កូវីដ១៩ បានវាយប្រហារជាខ្លាំងដល់ប្រទេសនានាក្នុងពិភពលោក រួមទាំងមហាអំណាចសេដ្ឋកិច្ចអាមេរិកផងដែរ។ ការវាយប្រហារនេះមិនត្រឹមតែបំផ្លាញនូវអាយុជីវិតរបស់មនុស្សនោះទេ វាក៏បំផ្លាញដល់សេដ្ឋកិច្ចប្រទេសនានា ក្នុងនោះក៏មានកម្ពុជាផងដែរ។
តុលាការរាជធានីភ្នំពេញបានសម្រេចចោទប្រកាន់និពន្ធនាយកនៃសារព័ត៌មាន TVFB លោក សុវណ្ណ រិទ្ធី ពាក់ព័ន្ធនឹងបទញុះញង់ឱ្យប្រព្រឹត្តបទឧក្រិដ្ឋជាអាទិ៍ តាមមាត្រា ៤៩៤ និង ៤៩៥ នៃក្រមព្រហ្មទណ្ឌ និងបញ្ជូនទៅឃុំខ្លួននៅពន្ធនាគាររាជធានីភ្នំពេញ (PJ) នៅរសៀលនេះ។
ក្រសួងព័ត៌មានបានសម្រេចលុបអាជ្ញាប័ណ្ណអនុញ្ញាតការផ្សាយរបស់សារព័ត៌មាន TVFB ដោយលើកឡើងថាបណ្ដាញសារព័ត៌មាននេះ បានផ្សាយព័ត៌មានដែលមានចរិតញុះញង់បង្កឱ្យប៉ះពាល់ដល់សន្ដិសុខ សណ្ដាប់ធ្នាប់ និងសុវត្ថិភាពសង្គម។
នាយករដ្ឋមន្ត្រីកម្ពុជា និងរដ្ឋមន្ត្រីការបរទេសអាមេរិក បានថ្លែងអំណរគុណគ្នាទៅវិញទៅមកក្នុងជំនួបតាមខ្សែទូរសព្ទមួយនាព្រឹកនេះ។
ក្រសួងអប់រំបានសម្រេចពន្យារពេលប្រលងថ្នាក់ជាតិចំនួន២ ដែលក្នុងនោះមានការប្រលងមធ្យមសិក្សាបឋមភូមិ (ឌីប្លូម) និងមធ្យមសិក្សាទុតិយភូមិ (បាក់ឌុប) ដោយថា ដើម្បីបង្ការ និងទប់ស្កាត់ការរីករាលដាលនៃជំងឺកូវីដ១៩។
ក្រសួងសុខាភិបាលរកឃើញស្រ្តី និងបុរសចំនួន ២នាក់ដែលមានផ្ទុកកូវីដ១៩ បានឆ្លងពីគូសង្សារចិនវៀតណាមមួយគូដែលទើបរកឃើញមានផ្ទុកកូវីដ១៩នាដើមខែនេះ។
រដ្ឋាភិបាលថា ខ្លួនពុំមានវិធានការដោះលែងអ្នកជាប់ពន្ធនាគារឱ្យនៅក្រៅឃុំដោយសារការរីករាលដាលនៃកូវីដ១៩នោះទេ ដោយថា បញ្ហានេះ វាទាក់ទងនឹងសណ្ដាប់ធ្នាប់ និងសន្ដិសុខសង្គម។
កម្ពុជាទើបរកឃើញអ្នកផ្ទុកកូវីដ១៩ថ្មី ចំនួន ១នាក់ទៀត ជាជនជាតិវៀតណាម ដែលបានចូលប្រទេសកម្ពុជាតាំងពីថ្ងៃទី១០ ខែមីនាកន្លងទៅ។
ថ្លែងក្នុងសន្និសីទសារព័ត៌មាននៅសភាជាតិកាលពីថ្ងៃទី២០ ខែមីនា លោកនាយករដ្ឋមន្ត្រី ហ៊ុន សែន បានថ្លែងថា៖ «សម្រាប់យើងឥឡូវនេះ យើងមិនទាន់មានច្បាប់ណាដើម្បីនឹងធ្វើការត្រួតត្រាសភាពការណ៍នៅពេលដែលដាក់ប្រទេសក្នុងគ្រាមានអាសន្ននោះទេ។ ដូច្នេះ ច្បាប់មួយត្រូវតែបង្កើតឡើង បើទោះបីជាចង់ ឬក៏មិនចង់ យើងត្រូវមានឧបករណ៍ច្បាប់នៅក្នុងដៃ ដើម្បីឱ្យរដ្ឋអនុវត្តទៅដោយរលូន»។
ប្រធានសមាគមផលិតអំបិលកម្ពុជា បញ្ជាក់ថា សមាគមកំពុងបង្កើនការផលិតអំបិលឡើងវិញ ដោយថា នឹងអាចធានាបាននូវការផ្គត់ផ្គង់អំបិលក្នុងស្រុកនាឆ្នាំនេះបាន ខណៈការនាំចូលត្រូវចំណាយច្រើន ហើយពេលនេះអំបិលនៅសល់តែ ៥ពាន់តោន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
