ក្នុងពិធីសម្ពោធរឿង «ដៃគូកំចាត់ខ្មោច» គេឃើញតារាសិល្បករ និងភ្ញៀវកិត្តិយសដែលចូលរួមសម្ពោធរឿងយ៉ាងច្រើនកុះករត្រូវគេតម្រូវឲ្យស្មិងស្មាធិ៍គោរពវិញ្ញាណខន្ធលោក វ៉ាន់ មករា ដែលជួបឧបទ្ទហេតុគ្រោះថ្នាក់ក្រឡាប់រថយន្តកាលពីថ្ងៃទី៩ មករា ដើមឆ្នាំ។ រឿងនេះជាស្នាដៃចុងក្រោយដែលលោក វ៉ាន់ មករា បានសម្ដែងមុនពេលស្លាប់ ហើយក៏ត្រូវបានផលិតករ និងតារាសិល្បៈចាត់ទុកថាជារឿងដែលឧទ្ទិសដល់វិញ្ញាណខន្ធរបស់តារារូបនេះ។
នៅទីបំផុតគូស្នេហ៍តារាសិល្បៈ២ដួងគឺ គង់ ច័ន្ទស្រីមុំ និងលោក គឹម សីហា បានឈានដល់អាពាហ៍ពិពាហ៍ជាផ្លូវការជាមួយគ្នាហើយកាលពីថ្ងៃទី១៤ ខែមីនា ដោយមានភ្ញៀវកិត្តិយសយ៉ាងកុះករចូលរួមអបអរ។ អ្វីដែលគេចាប់អារម្មណ៍ គឺអ្នកទាំងពីរត្រូវបានអ្នកនាងយ៉ាន លីនដា អតីតភរិយារបស់លោកយ៉ែម សំអូន បានផ្ដល់កាដូឲ្យយ៉ាងពិសេសគឺការធ្វើដំណើរទៅក្រេបទឹកឃ្មុំនៅកោះម៉ាឌីវរយៈពេល៣យប់៤ថ្ងៃឲ្យអ្នកទាំងពីរ ធ្វើជាចំណងដៃក្នុងថ្ងៃអាពាហ៍ពិពាហ៍។
ជាមួយការសារភាពថាពិតជាបានលែងប្ដីដូចព័ត៌មានល្ហិចល្ហៀង តារាកំប្លែងនាងអ៊ីតក៏បានរំឭកឡើងវិញពីដើមចមពិតប្រាកដនិងលើកឡើងពីការសុំលែងរបស់ស្វាមីដោយលែងលាក់បាំងផងដែរ។ អ្វីដែលនាងហួសចិត្តបំផុតគឺក្រៅពីប្ដីសុំលែងហើយ ថែមទាំងកំណត់ឲ្យនាងប្រគល់សឹងអស់ពីខ្លួន ជាថ្នូរនឹងការបានកូនយកមកចិញ្ចឹមផ្ដាច់មុខ។
កាលពីល្ងាចថ្ងៃទី១០ មីនា មុននេះ តារាចម្រៀងប្រចាំផលិតកម្មM លោកសន វិជ្ជបុត្រ បានចាកចេញពីប្រទេសកម្ពុជាទៅច្រៀងនៅក្នុងប្រទេសអូស្រ្តាលី ដែលអមដោយតារាចម្រៀងចំនួន៤នាក់ផ្សេងទៀតនិងមានការជូនដំណើរពីតារាសិល្បៈដល់ព្រលានយន្តហោះជាច្រើនរូប។ នេះគឺជាដំណើរចេញច្រៀងក្នុងន័យស្ម័គ្រចិត្តបន្ថែមមួយទៀត ដោយមិនយកកម្រៃសូម្បីមួយរៀលពីច្រៀងរាំរបស់ខ្លួន បន្ទាប់ពីលោកបានធ្វើគំរូយកចំណូលពីសិល្បៈស្ទើរទាំងអស់ផ្ដល់ឲ្យដល់មន្ទីរពេទ្យគន្ធបុប្ផានិងជួយជនក្រីក្រមួយចំនួន។
កាលពីដើមខែមិនាមុននេះ តារាសម្ដែងល្បីឈ្មោះនាង សុខ សោម៉ាវត្តី បានទទួលថតរឿង«៣០ថ្ងៃ»ថែមមួយរឿងទៀតហើយ នៅក្នុងកាលៈទេសៈដែលខ្សែភាពយន្តរឿងភាគទូរទស្សន៍និងរឿងដុំដែលនាងបានទទួលនៅសល់យ៉ាងណែនក្នុងដៃនៅឡើយ។ ស្ថានភាពសង្វាតការងារសិល្បៈរបស់នាង ត្រូវគេឃើញកើតឡើងស្របគ្នានឹងដំណឹងកាន់តែបែកធ្លាយខ្លាំងថានាងនិងស្វាមី ពិតជាបានលះលែងគ្នានៅក្រៅប្រព័ន្ធតុលាការ។
គ្មានអ្នកណាមិនចាប់អារម្មណ៍នោះទេ ដែលតារាសម្ដែងចូលចិត្តស្ទីលស៊ិចស៊ី ប៊ុន ផៃលីន បានប្រកាសឲ្យដឹងពីអាជីវកម្មរបស់ខ្លួនយ៉ាងហ៊ឹកហ៊ាក់ ដោយប្រើទុនច្រើនហើយ ជាមុខជំនួញទទួលបានចំណូលរឹងមាំទៀត។ អគារបន្ទប់ជួលកម្ពស់៥ជាន់ ត្រូវបានសម្ពោធឡើងយ៉ាងអ៊ឹកអធិកកាលពីថ្ងៃទី៥ មីនា កន្លងទៅ ដោយមានការចូលរួមពីតារាសិល្បៈ និងភ្ញៀវកិត្តិយសយ៉ាងច្រើនកុះករ។
រដ្ឋមន្រ្តីក្រសួងព័ត៌មានបានចេញសេចក្តីជូនដំណឹងមួយឲ្យម្ចាស់ស្ថានីយ៍ទូរទស្សន៍និងវិទ្យុទាំងអស់ បញ្ឈប់ការចាក់ផ្សាយបទចម្រៀង”ស្អាតជានិច្ច”របស់ផលិតកម្មហង្សមាស ដោយក្រសួងថាបទចម្រៀងនិពន្ធថ្មីនេះប្រាសចាកពីអត្ថន័យដើមនិង”ជះឥទ្ធិពលមិនល្អដល់កុមារទូទៅ”។
នៅក្នុងកម្មវិធី«អាជីពខ្ញុំ»ដែលរៀបចំដោយទូរទស្សន៍PNNនិងជាកម្មវិធីប្រកួតប្រជែងសមត្ថភាពក្នុងការបើកជំនួញលើកដំបូងនៅក្នុងប្រទេសកម្ពុជា លោក ទេព រិន្ទដារ៉ូ ត្រូវគេជ្រើសឲ្យធ្វើជាគណៈកម្មការវាយតម្លៃ ផ្ដល់ពិន្ទុនិងជាសម្រេចជោគវាសនារបស់បេក្ខជនបេក្ខនារីដែលចូលប្រកួតនោះ។ សាមីខ្លួនរូបនេះបានបង្ហាញពីការប្រុងប្រយ័ត្នក្នុងការបញ្ចេញយោបល់និងអះអាងថានោះជាការងារស្មុគស្មាញ បើទោះជាលោកក៏ជាបុគ្គលម្នាក់ដែលគេមើលឃើញថាជោគជ័យក្នុងមុខជំនួញក៏ដោយ។
បើទោះជាពិធីករល្បីឈ្មោះលោក សាន់ ពិសាល បានអះអាងថាខ្លួននឹងដាក់បណ្ដឹងទៅលើអតីតគូស្នេហ៍គឺនាង សេង រ៉ាវី ពីបទគំរាមកំហែងទារប្រាក់ និងពីបទបរិហាកេរ្តិ៍ក៏ដោយ ក៏ពាក្យបណ្ដឹងនោះត្រូវបានភាគីគូជម្លោះអះអាងថា មិនទាន់ធ្លាក់ដល់ដៃតុលាការនោះឡើយ។
ខណៈដែលមន្ទីរពេទ្យគន្ធបុប្ផានៅតែបន្តដង្ហោយស្វែងរកជំនួយមនុស្សធម៌ ដើម្បីជៀសវាងបញ្ហាបិទទ្វារ និងដើម្បីឲ្យមានលទ្ធភាពជួយដល់កុមារកម្ពុជាបន្តទៀតនោះ តារាសិល្បៈយ៉ាងច្រើនកុះករបានបង្ហាញឆន្ទៈរួមដៃគ្នាសម្រាប់បេសសកម្មនេះ ដោយអះអាងថានឹងបន្តជួយដល់មន្ទីរពេទ្យមួយនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
