តំណាងរាស្ត្រគណបក្សប្រជាជនកម្ពុជា លោក ឡូយ សុផាត បានឱ្យដឹងថា រូបលោកនិងសមាជិកក្រុមគ្រួសារដល់ទៅជាង៨០នាក់ កំពុងរក្សាខ្លួននៅដាច់ដោយឡែកតាមសេចក្ដីណែនាំរបស់ក្រសួងសុខាភិបាល បន្ទាប់ពីរូបលោកបានប្រាស្រ័យទាក់ទងផ្ទាល់ជាមួយមន្ត្រីក្រសួងមហាផ្ទៃដែលត្រូវបានធ្វើតេស្តរកឃើញឆ្លងជំងឺកូវីដ១៩។
លោកនាយករដ្ឋមន្ត្រី ហ៊ុន សែន បានសម្រេចហាមឃាត់ការជួបជុំមនុស្សច្រើនចាប់ពី២០នាក់ឡើងទៅនៅរាជធានីភ្នំពេញ និងខេត្តសៀមរាប នៅក្នុងរយៈពេល ១៥ថ្ងៃខាងមុខនេះ ដោយថា ជាវិធានការបន្ថែមដើម្បីការពារ និងទប់ស្កាត់ការឆ្លងរីករាលដាលនៃវីរុសកូរ៉ូណា ក្រោយផ្ទុះឡើងនូវករណីឆ្លងក្នុងសហគមន៍ជាលើកដំបូង។
លោកនាយករដ្ឋមន្ត្រី ហ៊ុន សែន ប្រកាសថា រដ្ឋាភិបាលនឹងបញ្ចេញប្រាក់ដល់ទៅ ១១៧០លានរៀល ឬស្មើនឹងប្រហែល ៣០ម៉ឺនដុល្លារ សម្រាប់ជួយដល់ពលរដ្ឋក្រីក្រដែលត្រូវរក្សាខ្លួននៅដាច់ដោយឡែករយៈពេល១៥ថ្ងៃ។
សាលាដំបូងរាជធានីភ្នំពេញ បានសម្រេចផ្អាកសវនាការទាំងអស់ជាបណ្ដោះអាសន្ន បន្ទាប់ពីការឆ្លងរីករាលដាលនៃវីរុសកូរ៉ូណា ត្រូវបានរកឃើញនៅលើស្ត្រីជាភរិយានៃមន្ត្រីជាន់ខ្ពស់ពន្ធនាគារ។
គម្រោងកសាង និងកែលម្អផ្លូវនានាប្រវែងសរុបជាង ១០០គីឡូម៉ែត្រនៅខេត្តសៀមរាប ត្រូវបានបើកដំណើរការនៅថ្ងៃនេះ ដោយរំពឹងថា ទីក្រុងទេសចរណ៍មួយនឹងក្លាយជាទីក្រុងឆ្លាតវៃ។
នគរបាលខេត្តកំពង់ឆ្នាំង បានឱ្យដឹងថា ស្ត្រី២នាក់បានស្លាប់ ហើយអ្នកភូមិ១២នាក់ទៀតនៅស្រុកទឹកផុស ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្ត បន្ទាប់ពីពួកគេផឹកទឹកអណ្ដូងនៅក្នុងចម្ការឪឡឹកមួយនៅឯវាលស្រែ។
ក្រសួងការបរទេសស៊ុយអ៊ែតបានប្រកាសថា ប្រទេសស៊ុយអ៊ែត នឹងបិទស្ថានទូតរបស់ខ្លួននៅកម្ពុជានៅចុងឆ្នាំក្រោយនេះ ហើយទំនាក់ទំនងទ្វេភាគីជាមួយកម្ពុជា នឹងត្រូវផ្ទេរដាក់ឱ្យស្ថិតនៅក្រោមអគ្គរាជទូតប្រចាំនៅទីក្រុងបាងកកវិញ។
ក្រុមហ៊ុនអាកាសចរណ៍ជប៉ុន បានប្រកាសនៅថ្ងៃនេះ ក្រុមហ៊ុននឹងចាប់ផ្ដើមដំណើរឡើងវិញនូវជើងហោះហើរត្រង់ពីទីក្រុងតូក្យូមកកាន់រាជធានីភ្នំពេញនៅខែក្រោយនេះ។
លោកនាយករដ្ឋមន្ត្រី ហ៊ុន សែន បានថ្លែងនៅថ្ងៃនេះថា បណ្ដឹងបរិហារកេរ្តិ៍មួយដែលលោកដាក់នៅតុលាការបារាំង ត្រូវបានកំណត់យកទៅបើកជំនុំជម្រះនៅឆ្នាំ២០២២ខាងមុខ ដែលនាំឱ្យលោករិះគន់ចំពោះភាពយឺតយ៉ាវនៃដំណើរការនីតិវិធីច្បាប់របស់តុលាការប្រទេសមហាអំណាចមួយនេះ។
រដ្ឋាភិបាលប្រកាសថា និស្សិតកម្ពុជា ១២៨នាក់ ត្រូវបានដឹកជញ្ជូនត្រឡប់ពីប្រទេសអ៊ីស្រាអែលវិញនៅព្រឹកថ្ងៃនេះ ហើយនិស្សិតកម្ពុជា ២៥០នាក់ទៀត នឹងត្រូវបញ្ជូនទៅសិក្សានៅក្នុងប្រទេសនេះវិញផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
