មន្ត្រីជាន់ខ្ពស់ក្រសួងមហាផ្ទៃ ឱ្យដឹងថា តាមការស៊ើបសង្កេតបឋម គ្រាប់បែកដៃដែលប្រទះឃើញនៅមុខក្រុមហ៊ុនណាហ្គាវើលដ៍២នោះ សមត្ថកិច្ចបានរកឃើញជនបង្កជាជនជាតិចិន ដោយគ្រាប់បែកដៃនោះត្រូវបានគេដឹកតាមរថយន្តទំនើបមួយគ្រឿង ហើយជ្រុះនៅតាមដងផ្លូវនៃកន្លែងកើតហេតុ។
យុវជនមួយក្រុមក្នុងរាជធានីភ្នំពេញ ចំនួន៣០០នាក់ ដែលមានការមិនសប្បាយចិត្តនឹងសំរាមនៅតាមច្រាំងទន្លេមេគង្គ កំពុងប្រើប្រាស់ប្រព័ន្ធផ្សព្វផ្សាយសង្គម ដើម្បីកៀរគរឱ្យមានការចូលរួមសម្អាត ខណៈមានកិច្ចខិតខំប្រឹងប្រែងមួយផ្សេងទៀតក្នុងការប្រមូលសំរាមដោយប្រើទូក។
លោក ហ៊ុន ម៉ានិត កូនប្រុសរបស់លោកនាយករដ្ឋមន្ត្រី ហ៊ុន សែន ត្រូវបានដំឡើងឋានៈស្មើរដ្ឋមន្ត្រី បន្ថែមលើតួនាទីបច្ចុប្បន្នជាអគ្គនាយកនៃនាយកដ្ឋានស្រាវជ្រាវចារកម្មនៃក្រសួងការពារជាតិ។
អង្គភាពអង្គរក្សរបស់លោកនាយករដ្ឋមន្ត្រី ហ៊ុន សែន បានចាកចេញពីតំបន់ឈូសឆាយព្រៃតំបន់ភ្នំតាម៉ៅ បន្ទាប់ពីបានកាន់កាប់អស់រយៈពេលប្រហែល១ខែ ចាប់ពីខែសីហាមក ហើយតំបន់នោះហាក់ដូចជាប្រែក្លាយទៅជាឧទ្យាន ក្រោយពីមានភាពចម្រូងចម្រាសអំពីការធ្វើសម្បទានតំបន់នេះ កាលពី៣ខែកន្លងទៅ។
ចៅសង្កាត់រងទី២ នៅសង្កាត់អូរចារ ខេត្តបាត់ដំបង មកពីគណបក្សភ្លើងទៀន អ្នកស្រី ស៊ិន ចាន់ពៅរ៉ូហ្សិត បានឱ្យដឹងថា ខ្លួនបានដាក់ពាក្យបណ្ដឹងទៅកាន់នគរបាលយុត្តិធម៌ ប្រឆាំងនឹងសមាជិកក្រុមប្រឹក្សាសង្កាត់ជាប់ឆ្នោតមកពីគណបក្សប្រជាជនមួយរូបដែលបានប្រើហិង្សាលើអ្នកស្រី បន្ទាប់ពីទាស់ពាក្យសម្ដីគ្នារឿងការងារ។
ឯកសារដែលចេញដោយមជ្ឈមណ្ឌលសិទ្ធិមនុស្សកម្ពុជាក្នុងឆ្នាំ២០១៨ បានលើកឡើងថា កម្មករនៅក្នុងតំបន់សេដ្ឋកិច្ចពិសេស ខ្វះតម្លាភាព និងព័ត៌មាន ដើម្បីការពារខ្លួនឱ្យបានត្រឹមត្រូវ។ ប្រភពដដែលបន្តថា ពួកគេ [កម្មករ] ទទួលបានប្រាក់ឈ្នួលមិនសមរម្យ និងលក្ខខណ្ឌការងារមិនល្អ ហើយត្រូវបានរឹតត្បិតសេរីភាពបញ្ចេញមតិ និងការជួបជុំ។
យោងតាមអង្គការសិទ្ធិមនុស្ស Minority Rights Group International បានឱ្យដឹងថា ជនជាតិវៀតណាមនៅក្នុងប្រទេសកម្ពុជាត្រូវបានប៉ាន់ប្រមាណថាមានចំនួនប្រហែល៤សែននាក់ ដែលក្នុងនោះភាគច្រើនគ្មានសិទ្ធិជាពលរដ្ឋ និងមិនអាចក្លាយជាម្ចាស់កម្មសិទ្ធិ ឬទទួលបានសេវាសាធារណៈអ្វីឡើយ។
អាជ្ញាធរជាតិអប្សរា បាននិយាយនៅសប្ដាហ៍នេះថា ផ្ទៃមុខអប្សរាដែលបានរបេះធ្លាក់នៅប្រាសាទតាព្រហ្ម ក្នុងឧទ្យានបុរាណអង្គរ នឹងត្រូវបិទឡើងវិញនៅពេលអាកាសធាតុអំណោយផល។
អាជ្ញាធរបានឱ្យដឹងថា ទឹកជំនន់ធ្ងន់ធ្ងរនៅខេត្តបន្ទាយមានជ័យ បានប៉ះពាល់ដំណាំស្រូវប្រមាណ៣៦ ០០០ហិកតា និងដំឡូងមី ៣ ០០០ហិកតា ហើយប្រជាពលរដ្ឋជាង៣០០នាក់ត្រូវបានពស់ចឹក។
ក្រសួងសាធារណការ និងដឹកជញ្ជូន បាននិយាយថា ការត្រួតពិនិត្យចុងក្រោយ មុនការបើកដំណើរការផ្លូវល្បឿនលឿនភ្នំពេញ-ក្រុងព្រះសីហនុ បានរកឃើញថា ប្រជាពលរដ្ឋបានកាត់របងលួសបន្លា ដើម្បីឱ្យគោស៊ីស្មៅតាមដងផ្លូវ និងលក់អាហារឱ្យអ្នកដំណើរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
