គ្រួសាររបស់ឧត្ដមទីប្រឹក្សាគណបក្សភ្លើងទៀន លោក គង់ គាំ អះអាងថា ពួកគេបានរើសម្ភារចេញផ្ទះដែលស្នាក់នៅរាប់សិបឆ្នាំទាំងសោកស្តាយ បន្ទាប់ពីប្រគល់ដីនិងផ្ទះឱ្យរដ្ឋវិញ និងក្រោយពេលលោក ហ៊ុន សែន បញ្ជាឱ្យស្ថាប័នក្រោមឱវាទចាត់វិធានការច្បាប់ដើម្បីដកយកដីនិងផ្ទះនោះមកវិញ ដោយថាជាកម្មសិទ្ធិរបស់ក្រសួងការបរទេស។
យុវជន និងអ្នកឃ្លាំមើល លើកឡើងថា ទោះជារដ្ឋាភិបាលចាត់វិធានការលើមេដឹកនាំបក្សប្រឆាំង ដោយមិនឱ្យនិយាយប្រវត្តិគណបក្សប្រជាជនកម្ពុជាក្ដី ប៉ុន្តែរឿងប្រវត្តិសាស្ត្រនេះ វាជាឫសគល់នៃការពិត ដោយលាក់បាំងមិនបានយូរឡើយ។
សាលាដំបូងរាជធានីភ្នំពេញ មិនអនុញ្ញាតឱ្យមេដឹកនាំសហជីព កញ្ញា ឈឹម ស៊ីថរ នៅក្រៅឃុំបណ្ដោះអាសន្ន ទោះបីជាក្រុមមេធាវី លើកសំអាងថា ការចាប់និងឃុំខ្លួនកូនក្ដីរបស់ខ្លួនជាថ្មីនេះ ជាការបំពាន និងអនុវត្តលើសនីតិវិធីច្បាប់។
សាលាដំបូងរាជធានីភ្នំពេញ ផ្ដន្ទាទោសអ្នកវិភាគនយោបាយ លោក គឹម សុខ ឱ្យជាប់ពន្ធនាគារ ១៨ខែ ក្រោមបទចោទប្រកាន់ «ញុះញង់ និងបរិហារកេរ្តិ៍» និងសងសំណងជំងឺចិត្តទៅដើមបណ្ដឹងចំនួន៥០លានរៀល ខណៈសំណុំរឿងលោក គឹម សុខ និងមនុស្ស២នាក់ទៀតត្រូវបានចៅក្រមបង្វិលឱ្យស៊ើបអង្កេតឡើងវិញ។
សាលាដំបូងរាជធានីភ្នំពេញ បានផ្ដន្ទាទោសអ្នកវិភាគនយោបាយ លោក គឹម សុខ ឱ្យជាប់ពន្ធនាគារ ១៨ខែ និងសងជំងឺចិត្តជាង ១ម៉ឺនដុល្លារ ទៅគណបក្សប្រជាជនកម្ពុជា ក្រោមបទចោទប្រកាន់ «ញុះញង់ និងបរិហារកេរ្តិ៍» ពាក់ព័ន្ធការធ្វើអត្ថាធិប្បាយរឿងសម្លាប់លោកបណ្ឌិត កែម ឡី។
គណបក្សភ្លើងទៀន អះអាងថា បក្សក្រៅរដ្ឋាភិបាលមួយនេះកំពុងស្វែងរកការចរចាជាមួយបក្សកាន់អំណាច ដើម្បីដោះស្រាយបញ្ហាកម្ដៅនយោបាយនៅពេលបច្ចុប្បន្ន ក្រោយពីមានការចាប់ឃុំខ្លួនអនុប្រធានគណបក្សរបស់ខ្លួន គឺលោក ថាច់ សេដ្ឋា។
គណបក្សភ្លើងទៀន បានចេញមុខថ្កោលទោសការចាប់ឃុំខ្លួនលោក ថាច់ សេដ្ឋា និងទាមទារទៅរដ្ឋាភិបាល និងតុលាការឱ្យដោះលែងជាបន្ទាន់ដោយឥតលក្ខខណ្ឌ ព្រមទាំងបញ្ឈប់ការចាប់ឃុំខ្លួន រួមទាំងការគំរាមកំហែងតាមគ្រប់រូបភាពលើថ្នាក់ដឹកនាំ និងសកម្មជនរបស់ខ្លួនបន្តទៀត ដើម្បីធានាដំណើរការបោះឆ្នោតខាងមុខប្រព្រឹត្តទៅដោយសេរី ត្រឹមត្រូវ និងយុត្តិធម៌។
លោកនាយករដ្ឋមន្រ្តី ហ៊ុន សែន ថ្លែងថា ច្បាប់ស្ដីពីសិទ្ធិទទួលបានព័ត៌មានអាចនឹងអនុម័តនៅក្រោយការបោះឆ្នោតជាតិរួច ពោលគឺអាចនឹងអនុម័តក្នុងឆ្នាំ២០២៤ ឬ២០២៥ ខណៈសេចក្ដីព្រាងច្បាប់នេះ បានតាក់តែងឡើងរយៈពេលជិត ១០ឆ្នាំមកហើយនោះ។
រាជរដ្ឋាភិបាលបានប្រគល់ដី និងផ្ទះ ដែលដកយកបានពីមន្ត្រីជាន់ខ្ពស់គណបក្សភ្លើងទៀន លោក គង់ គាំ ដោយសារលោករិះគន់គណបក្សកាន់អំណាចនោះ ឱ្យទៅគណៈកម្មាធិការជាតិរៀបចំការបោះឆ្នោត ឬ គ.ជ.ប. ដើម្បីធ្វើជាទីស្នាក់ការរបស់ខ្លួន។
សង្គមស៊ីវិលធ្វើការផ្នែកសិទ្ធិមនុស្ស ស្នើរដ្ឋមន្ត្រីក្រសួងមហាផ្ទៃ បើកលំហសិទ្ធិសេរីភាពដល់សង្គមស៊ីវិល តាមរយៈការបង្ហោះបទចម្រៀង «ឈាមបាតុករ» ឡើងវិញ ដោយថា វិធានការទប់ស្កាត់ថ្មីៗនេះជាការគំរាមកំហែងសេរីភាពបញ្ចេញមតិដែលធានាដោយច្បាប់ជាតិ និងអន្តរជាតិ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
