ក្រសួងសុខាភិបាលរម្លឹកមន្ត្រីពាក់ព័ន្ធនៅទូទាំងប្រទេស ឱ្យពង្រឹងសេវាសង្គ្រោះបន្ទាន់ក្នុងមន្ទីរពេទ្យ ដោយផ្តល់សេវារថយន្តសង្គ្រោះ ឬដឹកអ្នករងរបួសធ្ងន់ធ្ងរ ជាពិសេសអ្នករងគ្រោះថ្នាក់ចរាចរណ៍ ដោយមិនត្រូវគិតថ្លៃដឹកជញ្ជូន ព្រមទាំងដឹកសពទៅលំនៅឋានដោយការទទួលខុសត្រូវខ្ពស់។
យុវជនមួយក្រុមដែលអះអាងថាជាអ្នកស្រឡាញ់ធនធានធម្មជាតិ បាននាំគ្នាផ្សព្វផ្សាយពីសក្តានុពលតំបន់កោះកុងក្រៅ ក្រោមប្រធានបទ «ការពារកោះកុងក្រៅ» ដោយថា ដើម្បីជំរុញឱ្យពលរដ្ឋចូលរួមថែរក្សាកោះដ៏ធំជាងគេនៅកម្ពុជានេះ ខណៈបារម្ភពីហានិភ័យក្រោយរដ្ឋាភិបាលផ្ដល់សិទ្ធិអភិវឌ្ឍន៍ទៅឱ្យក្រុមហ៊ុនឧកញ៉ា លី យ៉ុងផាត់។
កូដករក្រុមហ៊ុនណាហ្គាវើលដ៍អះអាងថា ប្រធានសហជីពរបស់ពួកគេប្រចាំក្រុមហ៊ុនល្បែងនេះ គឺ កញ្ញា ឈឹម ស៊ីថរ ត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារព្រៃស រាជធានីភ្នំពេញ នៅរសៀលថ្ងៃទី២៦ ខែវិច្ឆិកា ក្រោយពេលសមត្ថកិច្ចចាប់ខ្លួនកញ្ញានៅព្រឹកថ្ងៃដដែល ពាក់ព័ន្ធបទល្មើសបម្រាម ឬគេចវេសពីការត្រួតពិនិត្យរបស់តុលាការ។
សមត្ថកិច្ចរាជធានីភ្នំពេញអះអាងថា ពួកគេពិតជាបានចាប់ខ្លួនប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ កញ្ញា ឈឹម ស៊ីថរ នៅព្រឹកថ្ងៃទី២៦ ខែវិច្ឆិកា ប្រាកដមែន និងបានបញ្ជូនប្រធានសហជីពរូបនេះ ទៅកាន់សាលាដំបូងរាជធានីភ្នំពេញ ដើម្បីបន្តនីតិវីធី ដ្បិតការចាប់ខ្លួននោះធ្វើឡើងតាមដីការបស់ចៅក្រមស៊ើបសួរពាក់ព័ន្ធល្មើសបម្រាមរបស់តុលាការ។
អ្នកសារព័ត៌មានប្រចាំនៅខេត្តស្វាយរៀងមួយរូប ប្ដឹងអធិការនគរបាលក្រុងបាវិតពីបទ «គំរាមកំហែង» ដោយថាដើម្បីទាមទារយុត្តិធម៌ បន្ទាប់ពីអធិការរូបនោះបានសម្លុតឱ្យអ្នកសារព័ត៌មានលុបវីដេអូផ្សាយផ្ទាល់ ដណ្ដើមយកទូរសព្ទមកលុបដោយខ្លួនឯង និងគំរាមចាប់វាយខ្នោះ នៅពេលអ្នកសារព័ត៌មានបដិសេធលុបវីដេអូផ្សាយពីករណីគ្រោះថ្នាក់ចរាចរណ៍មួយ។
អង្គការឃ្លាំមើលសិទិ្ធមនុស្សអន្តរជាតិ Human Rights Watch អះអាងថា នៅកម្ពុជា មានតែសហជីពស្និទ្ធនឹងថៅកែទេ ដែលអាចបន្តរស់រានមានជីវិតបានល្អប្រសើរ ខណៈសហជីពឯករាជ្យក្នុងវិស័យកាត់ដេរសម្លៀកបំពាក់ និងទេសចរណ៍ រងការធ្វើទុក្ខបុកម្នេញឥតស្រាកស្រាន្ត។
អង្ករផ្ការំដួលកម្ពុជា ជាប់ជា «អង្ករល្អដាច់គេ» ក្នុងវេទិកាស្រូវអង្ករពិភពលោក ខណៈកសិករនៅខេត្តមួយចំនួនត្អូញត្អែរពីវិបត្តិទីផ្សារស្រូវ ដោយថាអង្ករកម្ពុជាល្អដាច់គេមែន តែពួកគាត់លក់ស្រូវបានតម្លៃថោក មិនចំណេញ ស្របពេលតម្លៃទំនិញ-ជីលើទីផ្សារឡើងថ្លៃជាលំដាប់ ដែលចាំបាច់ឱ្យរដ្ឋាភិបាលបំពេញតួនាទីរបស់ខ្លួនបន្ថែមក្នុងការជួយជ្រោមជ្រែងពួកគាត់ជាបន្ទាន់។
មេភូមិស្នាសង្គ្រាម ឃុំបល្ល័ង្ក ស្រុកប្រាសាទបាគង ខេត្តសៀមរាប ត្រូវបានថ្នាក់លើដកចេញពីតំណែង ក្រោយចេញមុខតវ៉ាទាមទារសិទ្ធិកាន់កាប់ដីធ្លីជាមួយប្រជាពលរដ្ឋជាង២១០គ្រួសារទៀត នៅតំបន់អភិវឌ្ឍន៍រុនតាឯក។
លោកនាយករដ្ឋមន្ត្រី ហ៊ុន សែន បារម្ភពីសុខភាពមេដឹកនាំបណ្ដាប្រទេសមួយចំនួន រួមទាំងប្រធានាធិបតីអាមេរិកផងដែរ ក្រោយលោកឆ្លងជំងឺកូវីដ-១៩ ដោយលោកថា ក្នុងអំឡុងកិច្ចប្រជុំកំពូលអាស៊ានដែលកម្ពុជាធ្វើជាម្ចាស់ផ្ទះ លោកបានចាប់ដៃ ធ្វើដំណើរ និងបរិភោគអាហារ ប្រកបដោយភាពស្និទ្ធស្នាលជាមួយមេដឹកនាំបណ្ដាប្រទេសទាំងនោះ។
អង្គការចំនួន២ ដែលសកម្មលើកិច្ចការសិទ្ធិមនុស្ស ទាមទារឱ្យសាជីវកម្មហិរញ្ញវត្ថុអន្តរជាតិចាត់វិធានការលើស្ថាប័នហិរញ្ញវត្ថុចំនួន៦នៅកម្ពុជាជាបន្ទាន់ ដើម្បីបញ្ចៀសផលប៉ះពាល់លើអតិថិជន ក្រោយរកឃើញថា ស្ថាប័នទាំងនេះបានរំលោភលើបម្រាមរបស់សាជីវកម្មហិរញ្ញវត្ថុអន្តរជាតិ ពាក់ព័ន្ធនឹងពលកម្មកុមារ ការរំលោភសិទ្ធិដីធ្លីរបស់ជនជាតិដើមភាគតិច និងចំណាកស្រុក។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
