អង្គការផ្នែកប្រព័ន្ធផ្សព្វផ្សាយ និងសមាគមសារព័ត៌មានជាតិអន្តរជាតិចំនួន៤ ស្នើក្រសួងពាក់ព័ន្ធឱ្យបកស្រាយបន្ថែមជុំវិញបទបញ្ជាដែលហាមអ្នកសារព័ត៌មានថត និងផ្សាយផ្ទាល់ នៅពេលសមត្ថកិច្ចកំពុងតែអនុវត្តការងារស៊ើបអង្កេត ឬក្នុងតំបន់ដែលអាជ្ញាធរហាមឃាត់។
មន្ត្រីនាំពាក្យក្រសួងយុត្តិធម៌ បានបោះពាក្យសម្ដីថា បើចង់ឱ្យពន្លឿននីតិវិធីបើកសវនាការលើសំណុំរឿងមេដឹកនាំអតីតបក្សប្រឆាំង លោក កឹម សុខា ឱ្យបានឆាប់ដូចករណីអ្នកដែលកំពុងជាប់ឃុំ លុះត្រាតែលោក កឹម សុខា វិលទៅជាប់ពន្ធនាគារនៅឯត្រពាំងផ្លុងវិញ។
លោកនាយករដ្ឋមន្ត្រី ហ៊ុន សែន នៅថ្ងៃនេះបានចេញបទបញ្ជាជាបន្ទាន់ ទៅអាជ្ញាធរខេត្តជាប់ ព្រំដែនកម្ពុជា-វៀតណាម ឱ្យរឹតបន្តឹងការឆ្លងព្រំដែនរវាងប្រជាជននៃប្រទេសទាំងពីរ ខណៈ ជំងឺកូវីដ១៩នៅក្នុងប្រទេសវៀតណាម បានឆ្លងចូលទៅក្នុងសហគមន៍ ហើយកំពុងរីក សាយភាយ នៅក្នុងតំបន់ភាគខាងជើង ភាគកណ្តាល និងភាគខាងត្បូងនៃប្រទេសនេះ។
រដ្ឋមន្រ្តីក្រសួងសាធារណការ និងដឹកជញ្ជូន ឱ្យដឹងថា អ្នកបើកបររថយន្តធុនធំៗប្រមាណ ៣៣% មិនមានបណ្ណបើកបរ ឬបណ្ណបើកបរដែលមាននោះមិនត្រឹមត្រូវតាមប្រភេទយានយន្តឡើយ ដែលករណីនេះអាចបង្កគ្រោះថ្នាក់ចរាចរណ៍ជាយថាហេតុ។
កម្ពុជា និងប្រទេសកូរ៉េខាងត្បូងនឹងចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគី នៅអំឡុងខែមិថុនា ឆ្នាំ២០២១ខាងមុខនេះ។
អាជ្ញាធរខេត្តព្រះសីហនុ ប្រាប់ឱ្យពលរដ្ឋដែលរស់នៅនិងកំពុងប្រកបអាជីវកម្មនៅលើដីចំណីឆ្នេរពយយាយម៉ី និងឆ្នេរតាបារាំង ស្ថិតក្នុងឃុំកែវផុស ស្រុកស្ទឹងហាវ រុះរើសំណង់ផ្សេងៗចេញពីទីនោះឱ្យបានមុនចុងខែកុម្ភៈនេះ ខណៈអាជ្ញាធរគ្រោងអភិវឌ្ឍទីនោះទៅជាលំហឆ្នេរសាធារណៈ ឱ្យភ្ញៀវទេសចរទៅលេងកម្សាន្ត។
រដ្ឋមន្ត្រីក្រសួងមហាផ្ទៃ លោក ស ខេង បញ្ជាទៅគណៈបញ្ជាការកងឯកភាពរាជធានី-ខេត្ត ពង្រឹងការផ្តល់សេវាសាធារណៈជូនប្រជាពលរដ្ឋឱ្យមានប្រសិទ្ធភាព ជាពិសេសត្រូវពិនិត្យនិងលុបបំបាត់ករណីមន្ត្រីពន្លត់អគ្គិភ័យទារប្រាក់ពីជនរងគ្រោះជាថ្នូរនឹងការបាញ់ទឹកពន្លត់អគ្គិភ័យ។
លោកនាយករដ្ឋមន្ត្រី ហ៊ុន សែន នៅថ្ងៃនេះ បានណែនាំទៅកាន់ក្រសួងនិងស្ថាប័នរដ្ឋទាំងអស់ ត្រូវយកចិត្តទុកដាក់សន្សំសំចៃលើការប្រើប្រាស់ទឹកនិងថាមពលអគ្គិសនី ខណៈនៅតំបន់ខ្លះនៃរាជធានីភ្នំពេញ កំពុងប្រឈមការខ្វះខាតនៅរដូវប្រាំង។
លោកនាយករដ្ឋមន្ត្រី ហ៊ុន សែន បានប្រកាសនៅថ្ងៃនេះថា រដ្ឋាភិបាលមិនមានគម្រោងផ្អាកឬលើកពេលថ្ងៃឈប់សម្រាកនៅក្នុងឱកាសនៃពិធីបុណ្យចូលឆ្នាំខ្មែរដូចឆ្នាំមុនទៀតនោះឡើយ ដោយសារតែកម្ពុជាអាចគ្រប់គ្រងសភាពការណ៍ជំងឺកូវីដ១៩បាន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
