មន្ត្រីជាន់ខ្ពស់ក្រសួងការពារជាតិ អះអាងថា ក្រសួងកំពុងស្រាវជ្រាវរកមុខមន្ត្រីយោធាដែលបាញ់ប្រហារទៅលើប្រជាពលរដ្ឋម្នាក់ឱ្យរងរបួសនៅក្នុងជម្លោះដីធ្លីមួយកន្លែងនៅខេត្តកណ្តាល កាលពីថ្ងៃម្សិលមិញ ដើម្បីយកទៅអនុវត្តទោសទៅតាមច្បាប់។
ពលរដ្ឋនៅមូលដ្ឋានបានចោទអតីតនគរបាលប៉ុស្តិ៍និងមនុស្ស៥នាក់ផ្សេងទៀត ថាបានប្រើប្រាស់គ្រឿងចក្រឈូសឆាយដីព្រៃលិចទឹកប្រមាណ២០០ហិកតាដែលជាជម្រកត្រីពងកូន នៅជាប់បឹងទន្លេសាប ស្ថិតក្នុងចន្លោះឃុំសំបួរ និងឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ យកធ្វើជាសម្បត្តិផ្ទាល់ខ្លួន។
អគ្គិភ័យបានឆេះរោងចក្រផលិតវត្ថុអនុស្សាវរីយ៍មួយកន្លែង បណ្តាលឱ្យរងការខូចខាតផ្នែកខ្លះក្នុងរោងចក្រ ប៉ុន្តែមិនបណ្តាលឱ្យមានពលរដ្ឋណាម្នាក់មានគ្រោះថ្នាក់នោះឡើយ។
ក្រុមសាច់ញាតិអះអាងថា មានអ្នកទោសនយោបាយនិងអ្នកទោសមនសិការចំនួន៤នាក់បានឆ្លងជំងឺកូវីដ-១៩ ស្របពេលខាងពន្ធនាគារកំពុងតែរឹតបន្ដឹងការចេញ-ចូលសួរសុខទុក្ខអ្នកជាប់ឃុំពីសំណាក់សាច់ញាតិនៅក្នុងពន្ធនាគារ។
តំណាងមេធាវីការពារក្តីឱ្យលោក រ៉ុង ឈុន សមាជិកក្រុមប្រឹក្សាឃ្លាំមើលកម្ពុជា ដែលគ្រោងដាក់ពាក្យបណ្តឹងស្នើតុលាការដោះលែងកូនក្តីរបស់ខ្លួនឱ្យនៅក្រៅឃុំបណ្តោះអាសន្ន នៅថ្ងៃនេះ បានលើកពេលដាក់ពាក្យបណ្តឹងទៅសប្តាហ៍ក្រោយវិញ។
តំណាងមេធាវីការពារក្តីឱ្យលោក រ៉ុង ឈុន សមាជិកក្រុមប្រឹក្សាឃ្លាំមើលកម្ពុជា គ្រោងដាក់ពាក្យបណ្តឹងចំនួន២ផ្សេងគ្នា នៅក្នុងសប្តាហ៍នេះ ដើម្បីស្នើសុំឱ្យតុលាការពិនិត្យឡើងវិញលើសំណុំរឿងកូនក្តីរបស់ខ្លួន ក្រោយមានការឃុំខ្លួនលើសនីតិវិធី។
ក្រុមអ្នកនយោបាយនិងគណបក្សនៅក្រៅរដ្ឋាភិបាល ហៅសារអំពាវនាវរបស់គណបក្សកាន់អំណាចឱ្យមានការចូលរួមថែរក្សា «ការពារសន្តិភាព» ថាជានយោបាយប្រជាភិថុតិ ដោយចាត់ទុកសន្តិភាពដែលបានលើកឡើងនេះមានតែនៅលើក្រដាសប៉ុណ្ណោះ។
សាលាដំបូងរាជធានីភ្នំពេញ បដិសេធបណ្ដឹងសុំនៅក្រៅឃុំរបស់«យុវជនខ្មែរថាវរៈ» និង«សមាជិកសមាគមនិស្សិតបញ្ញវន្តខ្មែរ»ចំនួន៧នាក់ ក្រោមហេតុផលថា ដើម្បីរក្សាជនជាប់ចោទទុកជូនតុលាការសម្រាប់បន្តសវនាការ។
ពលរដ្ឋនៅស្រុកកណ្តាលស្ទឹង ខេត្តកណ្តាល ដែលកំពុងរងផលប៉ះពាល់ពីគម្រោងអភិវឌ្ឍន៍ព្រលានយន្តហោះអន្តរជាតិភ្នំពេញថ្មី បាននាំគ្នាបោះតង់ដេកយាមដីស្រែ និងបិទកំណាត់ផ្លូវលំមួយខ្សែ ស្ថិតក្នុងភូមិកំពង់តាឡុង ឃុំបឹងខ្យាង ដោយបារម្ភខ្លាចក្រុមហ៊ុនដាក់គ្រឿងចក្រឈូសឆាយដីស្រែរបស់ពួកគាត់ ទាំងមិនទាន់បានដោះស្រាយសំណងសមរម្យ។
មេដឹកនាំអតីតបក្សប្រឆាំងនៅកម្ពុជា ស្នើទៅអង្គការសហប្រជាជាតិ (UN) និងសហគមន៍អន្តរជាតិ ជួយធ្វើអន្តរាគមន៍ទៅរដ្ឋាភិបាលកម្ពុជាឱ្យបញ្ចប់បញ្ហានិទណ្ឌភាពក្នុងប្រទេស ស្របពេលអតីតសកម្មជននិងមន្រ្តីរបស់ខ្លួនរងការប្រើហិង្សាជាបន្តបន្ទាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
