ការដែលលោកបណ្ឌិត យ៉ង សាំងកុមារ ដើរចេញពីក្បាលម៉ាស៊ីនដឹកនាំបក្សប្រជាធិបតេយ្យមូលដ្ឋាន (GDP) ទៅចូលរួមជីវភាពនយោបាយជាមួយបក្សកាន់អំណាច ក្រោមហេតុផលដើម្បីចូលរួមសង្គ្រោះវិស័យកសិកម្មនោះ បានជំរុញឱ្យក្រុមបញ្ញវន្តបញ្ចេញមតិផ្សេងៗលើបណ្តាញសង្គមជុំវិញរលកដើរចេញនេះ។
អនុប្រធានគណបក្សភ្លើងទៀន លោក សុន ឆ័យ បានលើកឡើងថា ដើម្បីឆ្ពោះទៅរកជ័យជម្នះនៃការបោះឆ្នោតជាតិឆ្នាំ២០២៣ខាងមុខ លោកមិនធ្វើតាមការគំរាមកំហែងរបស់ដៃគូប្រកួតឡើយ ខណៈលោកកំពុងប្រឈមនឹងការរឹបអូសទ្រព្យសម្បត្តិឱ្យទៅបក្សកាន់អំណាចដែលជាភាគីឈ្នះក្ដី។
អ្នកជំនាញខាងប្រព័ន្ធផ្សព្វផ្សាយ អំពាវនាវឱ្យភាគីពាក់ព័ន្ធបន្តលើកកម្ពស់វិស័យសារព័ត៌មានឯករាជ្យក្នុងប្រទេសកម្ពុជា ដោយមើលឃើញថា ពួកគេជាតួអង្គសំខាន់មួយក្នុងការចូលរួមពង្រឹងគ្រឹះប្រជាធិបតេយ្យ ខណៈបញ្ហានេះកំពុងរងការគំរាមកំហែង និងរឹតត្បិត។
អ្នកជំនាញនយោបាយ និងសិទ្ធិមនុស្ស បារម្ភពីហានិភ័យរបស់កម្ពុជា បើទំនាក់ទំនងការទូតរវាងកម្ពុជា-អាមេរិកបន្តធ្លាក់ចុះ ជុំវិញការមិនជឿទុកចិត្តគ្នាអំពីវត្តមានកងទ័ពចិនលើទឹកដីកម្ពុជា ខណៈកម្ពុជាកំពុងជាប់ក្នុងបញ្ជីប្រផេះនៃប្រទេសលាងលុយកខ្វក់ និងធ្លាក់ក្នុងបញ្ជីខ្មៅរបស់អាមេរិកជុំវិញការជួញដូរមនុស្ស។
កសិករមួយចំនួននៅតែប្រឈមនឹងជម្រើសលក់ដី ដើម្បីសងបំណុល ដោយសារតែបង្ខំចិត្តលក់ស្រូវក្នុងតម្លៃថោក នៅរដូវប្រមូលផល ពីមួយឆ្នាំទៅមួយឆ្នាំ បើទោះបីរដ្ឋាភិបាលមានចក្ខុវិស័យលើកកម្ពស់វិស័យកសិកម្ម និងមានកិច្ចព្រមព្រៀងពាណិជ្ជកម្មសេរីកម្ពុជា-ចិន (FTA) ក្ដី។
ប្រធានគណបក្សឆន្ទៈខ្មែរ ដែលជាកូនបង្កើតរបស់លោក គង់ គាំ គឺលោក គង់ មុនីកា សម្អាងថា ការទៅចូលរួមជាមួយគណបក្សភ្លើងទៀន ដើម្បីត្រៀមខ្លួនប្រកួតការបោះឆ្នោតជាមួយបក្សកាន់អំណាចនៅឆ្នាំ២០២៣ខាងមុខ អាចនឹងស្ដារប្រជាធិបតេយ្យឡើងវិញបាន ខណៈអ្នកឃ្លាំមើលមានជំនឿតិចតួចពីចរន្តរួបរួមនេះ។
រដ្ឋមន្ត្រីក្រសួងមហាផ្ទៃ លោក ស ខេង សង្ឃឹមថា កម្ពុជាអាចនឹងរើខ្លួនចេញពីបញ្ជីប្រផេះនៃប្រទេសឃ្លាំមើលការលាងលុយកខ្វក់ នៅឆ្នាំក្រោយ ដោយសម្អាងពីការផ្ដល់សញ្ញាវិជ្ជមានពីក្រុមការងារហិរញ្ញវត្ថុអន្តរជាតិ (FATF) ដែលបានដាក់កម្ពុជាក្នុងចំណាត់ថ្នាក់នេះជិត៥ឆ្នាំ។
អ្នកឃ្លាំមើលសង្គម បង្ហាញការយល់ឃើញថា ឆ្នាំ២០២៣ ជាពេលវេលាដែលអ្នកនយោបាយខ្មែរត្រូវរួមគ្នាស្ដារប្រជាធិបតេយ្យឡើងវិញ ដើម្បីដោះស្រាយបញ្ហាជាតិ ដោយសម្អាងថា វិធានបិទខ្ទប់អ្នកនយោបាយជំទាស់ មិនឱ្យធ្វើសកម្មភាពនយោបាយរយៈពេល៥ឆ្នាំមកនេះ គ្មានអ្នកឈ្នះនោះទេ តែធ្វើឱ្យជាតិខាតបង់។
បទបញ្ជាមេ ឬត្រូវសុំគោលការណ៍ពីថ្នាក់លើជ្រកក្រោមការអនវុត្តច្បាប់ នៅតែត្រូវគេយកមកអនុវត្ត បើទោះបីជាកម្ពុជាបានរើខ្លួនពីរបបកុម្មុយនីស្ត មកអនុវត្តលទ្ធិប្រជាធិបតេយ្យដោយយកពលរដ្ឋជាធំ តាមរដ្ឋធម្មនុញ្ញជិត៣០ឆ្នាំមកនេះ។
អ្នកឃ្លាំមើលសង្គមបារម្ភថា កម្ពុជាអាចនឹងបន្តខាតបង់ទាំងប្រយោជន៍ការទូត និងសេដ្ឋកិច្ចពីប្លុកលោកសេរី បើមិនដោះស្រាយវិបត្តិសិទ្ធិមនុស្ស ដើម្បីឆ្លើយតបទៅនឹងកង្វល់របស់សហគមន៍អន្តរជាតិ ជុំវិញការទាមទារឱ្យបើកលំហប្រជាធិបតេយ្យ មុនការបោះឆ្នោតជាតិឆ្នាំ២០២៣នោះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
