គណបក្សក្រៅរដ្ឋាភិបាលចំនួន៤ សម្អាងថា ពួកគេនឹងស្វែងរកជួបមន្ត្រីស្ថានទូតនានានៃក្រុមប្រទេសលោកសេរី ដើម្បីជំរុញឱ្យរដ្ឋាភិបាលពិចារណាកែលម្អប្រព័ន្ធបោះឆ្នោត និងសិទ្ធិនយោបាយ ក្រោយពីមិនជោគជ័យក្នុងការតស៊ូមតិជាមួយស្ថាប័នជាតិ។
អ្នកឃ្លាំមើលសង្គមមួយចំនួនបង្ហាញជាទស្សនៈថា ផែនការបន្តវេនរបស់បក្សកាន់អំណាចគំរាមកំហែងដល់ការជំរុញឱ្យបើកលំហប្រជាធិបតេយ្យឡើងវិញ ដែលការណ៍នេះនឹងបន្តឱ្យកម្ពុជាបាត់ឱកាសចាប់យកអំណោយផលសេដ្ឋកិច្ចពីប្លុកលោកសេរី បើទោះជាមានជំនួបកំពូលរវាងប្រធានាធិបតីសហរដ្ឋអាមេរិក លោក ចូ បៃដិន និងលោកនាយករដ្ឋមន្ត្រី ហ៊ុន សែន មេដឹកនាំកម្ពុជាក្ដី។
មាត្រា៥២ នៃរដ្ឋធម្មនុញ្ញចែងថា៖ «រាជរដ្ឋាភិបាលកម្ពុជា ប្តេជ្ញាការពារឯករាជ្យ អធិបតេយ្យ បូរណភាពទឹកដីនៃព្រះរាជាណាចក្រកម្ពុជា អនុវត្តនយោបាយបង្រួបបង្រួមជាតិ ដើម្បីការពារឯកភាពជាតិ រក្សាការពារទំនៀមទម្លាប់ និងប្រពៃណីល្អរបស់ជាតិ»។ ក៏ប៉ុន្តែបរិបទនយោបាយជិត៥ឆ្នាំមកនេះ ហាក់បានងាកចេញពីស្មារតីនៃច្បាប់កំពូលនេះ ដែលជំរុញឱ្យមានការរិះគន់ វិធានការកាត់ផ្តាច់ជំនួយ និងសម្ពាធផ្សេងទៀត ដើម្បីឆ្លើយតបទៅនឹងការធ្លាក់ចុះនៃការគោរពសិទ្ធិមនុស្ស និងលទ្ធិប្រជាធិបតេយ្យ។
ក្រុមអ្នកឃ្លាំមើលសង្គម បង្ហាញការយល់ឃើញថា ការប្រើអំពើហិង្សាពេលចុះអនុវត្តច្បាប់ រួមទាំងការបន្សល់ទុកករណីហិង្សាជាច្រើនទៀត ដែលជនដៃដល់មិនត្រូវបាននាំខ្លួនទៅផ្តន្ទាទោស ជាគំរូអាក្រក់នៃការអនុវត្តច្បាប់ នឹងជំរុញឱ្យមានការរំលោភសិទ្ធិមនុស្សកាន់តែធ្ងន់ធ្ងរ បើគ្មានវិធានកែលម្អ។
អ្នកនយោបាយជើងចាស់វ័យ៨១ឆ្នាំ លោក គង់ គាំ ដែលបច្ចុប្បន្នជាឧត្ដមទីប្រឹក្សាគណបក្សភ្លើងទៀន បានផ្ញើសារបែបឌឺដងទៅកាន់លោកនាយករដ្ឋមន្ត្រី ហ៊ុន សែន ថាជា«មេដឹកនាំសម្លុត» ដែលការណ៍នេះ លោកអំពាវនាវដល់ក្រុមប្រឹក្សាជាប់ឆ្នោតរបស់ខ្លួន កុំឱ្យមានការភ័យខ្លាចក្នុងដំណើរឆ្ពោះទៅកាន់ការបោះឆ្នោតជាតិ ឆ្នាំ២០២៣។
វិបត្តិដីធ្លី នយោបាយ ការងារ ទីផ្សារកសិកម្ម និងសិទ្ធិចូលរួមកិច្ចការសង្គម ត្រូវបានពលរដ្ឋមកពីសហគមន៍ចម្រុះវិស័យ ទាមទារឱ្យរដ្ឋាភិបាលដោះស្រាយ ដើម្បីឱ្យជីវភាពរស់នៅរបស់ពួកគេ ទទួលបានអត្ថប្រយោជន៍ ដែលត្រូវបានការពារដោយច្បាប់។
ជិត៥ឆ្នាំ ដែលរដ្ឋសភាអាណត្តិទី៦ បាត់បង់តុល្យភាពអំណាចទាំងស្រុងក្នុងការតាមដានការអនុវត្តច្បាប់ ក្រោយគណបក្សប្រឆាំងត្រូវបានរំលាយចេញពីសង្វៀននយោបាយ ហើយបទឧក្រិដ្ឋ រួមទាំងបទល្មើសបំផ្លាញធនធានធម្មជាតិ សំណុំរឿងបង្ខាំងមនុស្ស ចាប់ជំរិត គ្រឿងញៀន ការរឹតត្បិតសេរីភាពបញ្ចេញមតិ និងការជួបជុំជាដើមនោះ ត្រូវបានគេរកឃើញថាកើតឡើងលើទឹកដីកម្ពុជាកាន់តែច្រើន ដែលការណ៍នេះបង្កើតជាការចោទសួរជុំវិញទំនួលខុសត្រូវរបស់រដ្ឋាភិបាលចំពោះមុខម្ចាស់ឆ្នោតនិងរដ្ឋធម្មនុញ្ញ។
ក្រុមអង្គការសង្គមស៊ីវិលបង្ហាញការយល់ឃើញថា ប្រព័ន្ធដឹកនាំដែលប្រទាក់ក្រឡាគ្នាដោយសែស្រឡាយ ជាឧបសគ្គចម្បងរារាំងដល់យន្តការពង្រឹងនីតិរដ្ឋ ការកសាងលទ្ធិប្រជាធិបតេយ្យ ក្រោមដំបូលរដ្ឋធម្មនុញ្ញ ដែលបញ្ហានេះនឹងជំរុញឱ្យមានភាពផុយស្រួយនៃការបែកបាក់ជាតិ បើគ្មានវិធានការកែលម្អ។
រដ្ឋមន្ត្រីក្រសួងមហាផ្ទៃ លោក ស ខេង ព្រមានពីវិធានការផាកពិន័យធ្ងន់ធ្ងរ ចំពោះជនបរទេសទាំងឡាយណាមិនគោរពច្បាប់កម្ពុជា រួមទាំងអ្នកគប់គិត ដែលជាផ្នែកមួយដើម្បីបង្កើនប្រាក់ចំណូលជាតិ ក្រោយពីរកឃើញថា ជនបរទេសដែលធ្វើការនៅកម្ពុជាជិត៩០ភាគរយកំពុងបំពានច្បាប់កម្ពុជា។
សមាជិកសភា និងគណបក្សក្រៅរដ្ឋាភិបាលចំនួន១២ ខ្វែងគំនិតគ្នាជុំវិញការទាមទារកែច្បាប់ ដើម្បីឱ្យការបោះឆ្នោតខាងមុខ មានលក្ខណៈសេរី ត្រឹមត្រូវ និងយុត្តិធម៌ តាមគោលការណ៍ប្រជាធិបតេយ្យ ខណៈរងការរិះគន់ថា ប្រព័ន្ធបោះឆ្នោតបច្ចុប្បន្ននៅខ្វះជំនឿទុកចិត្ត។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
