ទាហានរុស្ស៊ីចំនួន ១៨០ ០០០នាក់ បានស្លាប់ និងរងរបួស គិតត្រឹមថ្ងៃអាទិត្យម្សិលមិញ ខណៈទាហានអ៊ុយក្រែនស្លាប់ និងរបួសចំនួន ១០០ ០០០នាក់ ហើយជនស៊ីវិលចំនួន ៣០ ០០០នាក់បានស្លាប់ក្នុងសង្រ្គាមនៅអ៊ុយក្រែន។ នេះបើយោងតាមការប៉ាន់ប្រមាណដែលចេញផ្សាយកាលពីថ្ងៃអាទិត្យដោយមេបញ្ជាការកងទ័ពរបស់ប្រទេសន័រវែស និងដែលត្រូវបានទីភ្នាក់ងារសារព័ត៌មាន CNA យកមកចុះផ្សាយនៅថ្ងៃទី២៣ ខែមករា ឆ្នាំ២០២៣ នេះ។
នាយករដ្ឋមន្ដ្រីថ្មីនៃប្រទេសនូវែលសេឡង់ ដែលនឹងស្បថចូលកាន់តំណែងឆាប់ៗនេះ លោក គ្រីស ហីបឃីន (Chris Hipkins) បាននិយាយនៅថ្ងៃចន្ទនេះថា រដ្ឋាភិបាលរបស់លោកនឹងកំណត់អាទិភាពឡើងវិញឱ្យបានឆាប់ និងពិចារណាថាតើគោលនយោបាយបច្ចុប្បន្ន ចាំបាច់ត្រូវកាត់បន្ថយឬយ៉ាងណា។ នេះបើយោងតាមការចេញផ្សាយរបស់ទីភ្នាក់ងារសារព័ត៌មាន Reuters នៅថ្ងៃទី២៣ ខែមករា ឆ្នាំ២០២៣នេះ។
ប្រធានាធិបតីអ៊ុយក្រែនលោក វ៉ូឡូឌីមៀ ហ្សេលេនស្គី (Volodymyr Zelenskiy) បាននិយាយកាលពីថ្ងៃអាទិត្យថា អំពើពុករលួយដែលជាបញ្ហារ៉ាំរ៉ៃនៅក្នុងប្រទេសកើនឡើងកាន់តែច្រើនក្រោយសង្រ្គាមប្រឆាំងរុស្ស៊ី នឹងមិនត្រូវបានអត់ឱនឡើយ ដោយបានសន្យាថានឹងសម្រេចចិត្តសំខាន់ៗស្តីពីការជីករម្លើងអំពើពុករលួយឱ្យដល់ឫសគល់នៅក្នុងសប្តាហ៍នេះ។ នេះបើយោងតាមការចេញផ្សាយរបស់ទីភ្នាក់ងារសារព័ត៌មាន Reuters នៅថ្ងៃទី២៣ ខែមករា ឆ្នាំ២០២៣ នេះ។
អាជ្ញាធរបាននិយាយថា ខ្មាន់កាំភ្លើងម្នាក់បានបាញ់សម្លាប់មនុស្ស ១០នាក់ នៅក្នុងក្លឹបមួយកន្លែង ក្នុងអំឡុងពេលប្រារព្ធពិធីបុណ្យចូលឆ្នាំចិន កាលពីល្ងាចថ្ងៃសៅរ៍ នៅជិតទីក្រុង Los Angeles មុនពេលរត់គេចខ្លួនពីកន្លែងកើតហេតុ ហើយក្រោយមកបានបាញ់សម្លាប់ខ្លួនឯងនៅពេលនគរបាលចូលទៅជិតកាលពីថ្ងៃអាទិត្យ។ នេះបើយោងតាមការចេញផ្សាយរបស់ទីភ្នាក់ងារសារព័ត៌មាន Reuters នៅថ្ងៃទី២៣ ខែមករា ឆ្នាំ២០២៣ នេះ។
នៅថ្ងៃសុក្រនេះ បុគ្គលដែលស្និទ្ធនឹងលោក ពូទីន បានស្នើឱ្យរឹបអូសយកទ្រព្យសម្បត្តិរបស់ពលរដ្ឋរុស្ស៊ីដែលបង្ខូចកេរ្តិ៍ឈ្មោះកងកម្លាំងប្រដាប់អាវុធរុស្ស៊ី និងប្រឆាំងនឹងសង្គ្រាមនៅអ៊ុយក្រែន។
ព្រះរាជអាជ្ញាជប៉ុន នៅថ្ងៃសុក្រនេះ បានចោទប្រកាន់បុរសដែលសង្ស័យថាបានបាញ់សម្លាប់អតីតនាយករដ្ឋមន្ត្រីជប៉ុន លោក ស៊ិនហ្សូ អាបេ (Shinzo Abe)។
ទីភ្នាក់ងារព័ត៌មាន Tass បានដកស្រង់សម្ដីមន្ត្រីជាន់ខ្ពស់រស្ស៊ីមួយរូបដែលបាននិយាយថា ប្រទេសរុស្ស៊ីមិនឃើញមានគ្រោះថ្នាក់ណាមួយពីការដកចេញវិធានការទប់ស្កាត់ជំងឺកូវីដ-១៩របស់ទីក្រុងប៉េកាំងនោះទេ ហើយថាខ្លួននឹងមិនរឹតបន្តឹងចំពោះអ្នកដំណើរមកពីប្រទេសចិនឡើយ។
សហជីពសាកលវិទ្យាល័យ និងមហាវិទ្យាល័យ (UCU) បាននិយាយកាលពីថ្ងៃព្រហស្បតិ៍ថា បុគ្គលិកជាង៧០ ០០០នាក់ មកពីសាកលវិទ្យាល័យចំនួន១៥០ នៅទូទាំងប្រទេសអង់គ្លេស នឹងធ្វើកូដកម្មរយៈពេល១៨ថ្ងៃ នៅចន្លោះខែកុម្ភៈ និងខែមីនា ខាងមុខនេះ ជុំវិញប្រាក់ឈ្នួល លក្ខខណ្ឌការងារ និងប្រាក់សោធននិវត្តន៍។
ប្រធានាធិបតីឥណ្ឌូនេស៊ី លោក ចូកូ វីដូដូ (Joko Widodo) បានទទួលស្គាល់ «ការរំលោភសិទ្ធិមនុស្សយ៉ាងធ្ងន់ធ្ងរ» នៅក្នុងប្រវត្តិសាស្ត្ររបស់ប្រទេសឥណ្ឌូនេស៊ី ហើយលោកប្តេជ្ញាថានឹងទប់ស្កាត់ការរំលោភសិទ្ធិមនុស្សបែបនេះមិនឱ្យកើតឡើងជាថ្មីទៀតឡើយ។
ប្រព័ន្ធផ្សព្វផ្សាយរដ្ឋរបស់អ៊ីរ៉ង់ បានរាយការណ៍ថា អ៊ីរ៉ង់បានកាត់ទោសប្រហារជីវិតអតីតអនុរដ្ឋមន្ត្រីក្រសួងការពារជាតិអ៊ីរ៉ង់ម្នាក់ ដែលមានសញ្ជាតិពីរគឺ អ៊ីរ៉ង់-អង់គ្លេស ពីបទ «លួចយកការណ៍ឱ្យអង់គ្លេស»។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
