ទាហានរុស្ស៊ីប្រមាណ ១៨០ ០០០នាក់ បានស្លាប់ និងរងរបួសក្នុងសង្គ្រាមនៅអ៊ុយក្រែន
ទាហានរុស្ស៊ីចំនួន ១៨០ ០០០នាក់ បានស្លាប់ និងរងរបួស គិតត្រឹមថ្ងៃអាទិត្យម្សិលមិញ ខណៈទាហានអ៊ុយក្រែនស្លាប់ និងរបួសចំនួន ១០០ ០០០នាក់ ហើយជនស៊ីវិលចំនួន ៣០ ០០០នាក់បានស្លាប់ក្នុងសង្រ្គាមនៅអ៊ុយក្រែន។ នេះបើយោងតាមការប៉ាន់ប្រមាណដែលចេញផ្សាយកាលពីថ្ងៃអាទិត្យដោយមេបញ្ជាការកងទ័ពរបស់ប្រទេសន័រវែស និងដែលត្រូវបានទីភ្នាក់ងារសារព័ត៌មាន CNA យកមកចុះផ្សាយនៅថ្ងៃទី២៣ ខែមករា ឆ្នាំ២០២៣ នេះ។