ស្នងការដ្ឋាននគរបាលខេត្តកណ្ដាល បានច្រានចោលចំពោះការផ្សាយ ដែលថា មន្ត្រីនគរបាលចរាចរណ៍ខេត្តកណ្ដាល ទទួលសំណូកពីម្ចាស់រថយន្តឈ្នួលដែលដឹកលើសចំណុះ ជាថ្នូរនឹងការមិនចាត់វិធានការតាមច្បាប់ចរាចរណ៍ និងថាមិនមានការគំរាមកំហែងណាមួយទៅលើអ្នកសារព័ត៌មានពលរដ្ឋ ឱ្យលុបរូបថត និងវីដេអូនោះទេ។
សង្គមស៊ីវិលផ្នែកសិទ្ធិមនុស្ស យល់ថា ការដែលសមត្ថកិច្ចនៅមិនទាន់អាចស្វែងរកចាប់ខ្លួនអតីតអភិបាលរងខេត្តកែប លោក ភូ លិ ដែលប្រើហិង្សាលើស្ត្រីម្នាក់បណ្ដាលឱ្យបែកក្បាលនោះ ថាជាការអនុវត្តច្បាប់ស្ដង់ដារពីរ។
ពលរដ្ឋដែលរស់នៅជាប់ព្រែកថី ក្នុងសង្កាត់រកាខ្ពស់ ក្រុងតាខ្មៅ ខេត្តកណ្ដាល ចំនួនជិត១០០គ្រួសារ បង្ខំចិត្តរើផ្ទះសម្បែងចេញពីកន្លែងធ្លាប់រស់នៅ ក្រោយពីមានផ្ទះចំនួន៦ខ្នងបានបាក់ស្រុតចូលក្នុងព្រែក ខណៈពលរដ្ឋទាំងនោះស្នើឱ្យរដ្ឋាភិបាលផ្ដល់សំណងដីនិងផ្ទះដល់ពួកគេ។
បណ្ដាញសហគមន៍ព្រៃឡង់ខេត្តព្រះវិហារ បានរកឃើញបទល្មើសកាប់បំផ្លាញព្រៃឈើចំនួនជិត១០០ករណីបន្ថែមទៀត ខណៈពួកគេថាបទល្មើសទាំងនេះបន្តកើតឡើងដោយសារការអនុវត្តច្បាប់នៅធូររលុង និងភាពអសកម្មរបស់មន្ត្រី។
តំណាងសហជីពចំនួន ៣នាក់ ស្នើទៅតុលាការឱ្យជួយរកយុត្តិធម៌ ដោយអះអាងថា ថៅកែក្រុមហ៊ុនបានរំលោភសិទ្ធិកម្មករ និងព្យួរការងារពួកគេទាំងអយុត្តិធម៌ ហើយបែរជាប្ដឹងទាមទារសំណងជិត ៤ម៉ឺនដុល្លារ។
តំណាងអ្នកសារព័ត៌មានវីអូឌី (VOD) បានអះអាងថា ការរាយការណ៍ព័ត៌មានរបស់សហការីខ្លួន ស្ដីពីការធ្វើកូដកម្មរបស់ក្រុមកម្មករនៅរោងចក្រកាត់ដេរសម្លៀកបំពាក់ ហេន ស៊ើវេន អឹភែរឹល កាលពីពេលថ្មីៗនេះ មិនបានខុសទៅនឹងវិជ្ជាជីវៈ ពិសេសមិនបានចូលទៅក្នុងបរិវេណរោងចក្រ ដូចការចោទប្រកាន់របស់ភាគីក្រុមហ៊ុននោះឡើយ។
ប្រជាសហគមន៍បានបង្ហាញក្ដីព្រួយបារម្ភថា ប្រសិនបើផ្ទៃដីព្រៃសហគមន៍រតនរុក្ខា ដែលជាផ្នែកមួយនៃព្រៃសហគមន៍សង្ឃរុក្ខាវ័ន ទំហំជិត៥ ០០០ហិកតា ត្រូវបានកាត់ឆ្វៀលជូនទៅពលរដ្ឋពិតមែន នឹងធ្វើឱ្យបាត់បង់ព្រៃឈើ និងជម្រកសត្វព្រៃគ្រប់ប្រភេទដែលរស់នៅក្នុងតំបន់ការពារមួយនេះបន្ថែមទៀត។
ក្រុមអ្នករៀបចំកម្មវិធីបុណ្យបានលើកឡើងថា ប្រជាពលរដ្ឋខ្មែរក្រោមដែលមានចំនួនប្រមាណជាកន្លះលាននាក់បានមកចូលរួមពិធីបុណ្យបញ្ចុះខណ្ឌសីមាព្រះវិហារថ្មីមួយ នៅក្នុងខេត្តឃ្លាំង ដែនដីកម្ពុជាក្រោម សម្រាប់រយៈពេលបីថ្ងៃ កាលពីចុងខែធ្នូកន្លងទៅ។
គណបក្សភ្លើងទៀន សម្រេចតែងតាំងលោកបណ្ឌិត សុក ហាច ជាទីប្រឹក្សាគណបក្សដែលទទួលបន្ទុកផ្នែកសេដ្ឋកិច្ច បន្ទាប់ពីលោកបានប្រកាសចូលរួមជីវភាពនយោបាយជាមួយបក្សភ្លើងទៀន នាពេលថ្មីៗនេះ។
មេធាវីការពារក្ដីឱ្យមេដឹកនាំសហជីពក្រុមហ៊ុនណាហ្គាវើលដ៍ កញ្ញា ឈឹម ស៊ីថរ ថាកូនក្ដីរបស់ខ្លួនមិនបានទទួលដីកាដែលបញ្ជាក់ថាមិនឱ្យចេញទៅក្រៅប្រទេសនោះទេ មុនពេលកញ្ញា ឈឹម ស៊ីថរ ត្រូវបានសមត្ថកិច្ចចាប់ឃុំខ្លួនជាថ្មី។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
