តុលាការកំពូល គ្រោងបើកសវនាការលើសំណុំរឿងអ្នកសារព័ត៌មានម្នាក់ឈ្មោះ កៅ ពិសិដ្ឋ នៅចុងខែមករានេះ ពាក់ព័ន្ធសំណុំរឿង «ញុះញង់ឱ្យប្រព្រឹត្តបទឧក្រិដ្ឋជាអាទិ៍» និង «រារាំងដល់ការអនុវត្តវិធានការ»។
តំណាងអ្នកសារព័ត៌មានវីអូឌី (VOD) បានអះអាងថា ការរាយការណ៍ព័ត៌មានរបស់សហការីខ្លួន ស្ដីពីការធ្វើកូដកម្មរបស់ក្រុមកម្មករនៅរោងចក្រកាត់ដេរសម្លៀកបំពាក់ ហេន ស៊ើវេន អឹភែរឹល កាលពីពេលថ្មីៗនេះ មិនបានខុសទៅនឹងវិជ្ជាជីវៈ ពិសេសមិនបានចូលទៅក្នុងបរិវេណរោងចក្រ ដូចការចោទប្រកាន់របស់ភាគីក្រុមហ៊ុននោះឡើយ។
ប្រធានគណបក្សសង្គ្រោះជាតិដែលត្រូវបានតុលាការរំលាយ លោក កឹម សុខា លើកឡើងថា លោកតែងតែប្រាថ្នាចង់បានការទំនាក់ទំនង ឬការជួបសម្ដែងការគួរសម និងការសន្ទនាគ្នារវាងខ្មែរនិងខ្មែរ ដោយថា នេះគឺជារឿងចាំបាច់បំផុតដើម្បីផលប្រយោជន៍ជាតិ។
ក្រុមកូដករណាហ្គាវើលដ៍ប្រមាណ ៥០នាក់ ប្រមូលផ្តុំគ្នាបង្ហោះប៉ោងៗនៅពីមុខពន្ធនាគារព្រៃស រាជធានីភ្នំពេញ ដោយថា ដើម្បីបញ្ជាក់ទៅកាន់ក្រសួងការងារ និងស្ថាប័នពាក់ព័ន្ធ ចំពោះជំហរបន្តធ្វើកូដកម្មរហូតដល់មានដំណោះស្រាយ និងទាមទារដោះលែងប្រធានសហជីព កញ្ញា ឈឹម ស៊ីថរ ព្រមទាំងទម្លាក់រាល់បទចោទប្រកាន់នានា។
តំណាងកូដករណាហ្គាវើលដ៍ ៦រូប ដាក់លិខិតស្នើសុំទៅកាន់សាលាដំបូងរាជធានីភ្នំពេញដើម្បីដឹងអំពីលក្ខខណ្ឌអនុវត្តតាម «ដីកាដាក់ឱ្យស្ថិតក្រោមការត្រួតពិនិត្យតាមផ្លូវតុលាការ» ដោយថា កន្លងមក តុលាការមិនបានប្រាប់ពួកគាត់ពីខ្លឹមសារនោះឡើយ ខណៈបារម្ភពីការចាប់ចងដោយមិនដឹងខ្លួន។
បុគ្គលិកកាស៊ីណូណាហ្គាវើលដ៍ដែលកំពុងធ្វើកូដកម្ម ទទូចរដ្ឋាភិបាលបំពេញតួនាទីរបស់ខ្លួនជាអ្នកបម្រើរាស្ត្រ ដោះស្រាយបញ្ចប់វិវាទការងាររវាងកម្មករនិងថៅកែ មុនការបោះឆ្នោតមកដល់ ដើម្បីបញ្ចៀសផលប៉ះពាល់ជីវភាពកម្មករ ព្រមទាំងមុខមាត់រដ្ឋាភិបាល ដោយថា បើពួកគាត់បានដំណោះស្រាយ នោះពួកគេនឹងសម្រេចចិត្តលើសន្លឹកឆ្នោតទៅតាមនោះដែរ។
ក្រសួងយុត្តិធម៌ បានណែនាំស្ថាប័នពាក់ព័ន្ធយកចិត្តទុកដាក់អនុវត្តនីតិវិធីសម្រាប់ជនរងគ្រោះជាអនីតិជននៅក្នុងសំណុំរឿងព្រហ្មទណ្ឌ ដូចជា ចៀសវាងចម្លើយក្នុងស្ថានភាពតក់ស្លុត ការតទល់រវាងជនល្មើសនិងជនរងគ្រោះ ជាដើម ដើម្បីបញ្ចៀសនូវផលប៉ះពាល់ដល់ប្រសិទ្ធភាពស្រាវជ្រាវ និងសតិអារម្មណ៍របស់ជនរងគ្រោះ ខណៈក្រសួងកត់សម្គាល់ថា កន្លងមក ការអនុវត្តនីតិវិធីមួយចំនួនរបស់ស្ថាប័នអយ្យការ និងតុលាការ ជាពិសេសចំពោះភាគីជនរងគ្រោះជាអនីតិជន នៅមានចំណុចខ្វះខាត។
ក្រសួងអប់រំអះអាងថា លទ្ធផលបាក់ឌុបឆ្នាំ២០២២ មិនមានការប្រែប្រួលទេ ក្រោយមន្ត្រីជំនាញពិនិត្យលើកិច្ចការរបស់បេក្ខជនដែលដាក់ពាក្យតវ៉ាចំពោះលទ្ធផលនៃការប្រឡង ខណៈបញ្ជាក់ជាថ្មីថា ការប្រឡងនេះប្រព្រឹត្តទៅដោយរលូន ហើយគណៈមេប្រយោគ និងគណៈកម្មការនានា បានអនុវត្តភារកិច្ចដោយភាពហ្មត់ចត់ ស្មោះត្រង់ និងស្មារតីទទួលខុសត្រូវខ្ពស់។
ពលរដ្ឋប្រមាណ៤៦០គ្រួសាររស់នៅជាប់ព្រលានយន្តហោះថ្មី នៅខេត្តកណ្ដាល អះអាងថា អ្នកភូមិកំពុងមានសម្ពាធធ្ងន់ធ្ងរ និងចេញប្រកបរបររកស៊ីទាំងអារម្មណ៍មិននឹងនរ ដោយសារបារម្ភថានឹងត្រូវគេឈូសឆាយបណ្តេញចេញពីផ្ទះទាំងបង្ខំ ខណៈមានគេមកប្រាប់ជាច្រើនលើកច្រើនសាឱ្យពួកគាត់រុះរើរោងចិញ្ចឹមសត្វចេញពីដីផ្ទះ និងហាមសង់សំណង់ថ្មីជាដើម ស្របពេលអាជ្ញាធរខេត្តមិនទាន់ឆ្លើយតបជាវិជ្ជមាននូវការស្នើសុំបណ្ណកម្មសិទ្ធិដីធ្លីរបស់ពួកគាត់។
សង្គមស៊ីវិលដែលធ្វើការលើការការពារ និងលើកកម្ពស់ស្ត្រី ទាមទារឱ្យរដ្ឋាភិបាលចាត់វិធានការច្បាប់ដោយម៉ឺងម៉ាត់ទៅលើជនមានអំណាចដែលប្រើហិង្សានិងបៀតបៀនលើស្ត្រី ដើម្បីផ្តល់យុត្តិធម៌ដល់ជនរងគ្រោះ និងលើកកម្ពស់ការអនុវត្តច្បាប់ ខណៈមើលឃើញថា បើរឿងរ៉ាវបញ្ចប់ទៅវិញដោយត្រឹមតែបញ្ចប់មុខតំណែងជនប្រព្រឹត្ត ឬសម្របសម្រួលក្រៅប្រព័ន្ធច្បាប់ គឺងាយនឹងធ្វើឱ្យករណីហិង្សាទាំងនេះកើតទៅលើស្ត្រីបន្តទៀត ហើយក៏បង្ហាញពីវប្បធម៌និទណ្ឌភាព ឬភាពគ្មានទោសពៃរ៍នៅកម្ពុជាផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
