ប្រធានប៉ូលិសជាតិអ៊ុយក្រែន បានឱ្យដឹងថា មនុស្សចំនួន១៨នាក់ ដែលក្នុងនោះរួមមានរដ្ឋមន្ត្រីមហាផ្ទៃអ៊ុយក្រែន និងមន្ត្រីជាន់ខ្ពស់ផ្សេងទៀត បានស្លាប់នៅថ្ងៃពុធនេះ ក្នុងហេតុការណ៍ធ្លាក់ឧទ្ធម្ភាគចក្រមួយនៅតំបន់ជាយក្រុងខាងក្រៅទីក្រុងកៀវ (Kyiv)។
ប្រធានាធិបតីស៊ែប៊ី លោក Aleksander Vucic បានឱ្យដឹងថា ប្រទេសរុស្ស៊ីគួរតែបញ្ឈប់កិច្ចខិតខំប្រឹងប្រែងនានារបស់ខ្លួន ក្នុងការជ្រើសរើសជនជាតិស៊ែប៊ី ដើម្បីចូលរួមប្រយុទ្ធជាមួយក្រុមហ៊ុនយោធាឯកជន Wagner Group នៅក្នុងប្រទេសអ៊ុយក្រែន។
អ្នកនាំពាក្យក្រសួងការបរទេសចិន លោក វ៉ាង វិនពីន (Wang Wenbin) បានឱ្យដឹងនៅក្នុងសន្និសីទសារព័ត៌មានមួយនៅថ្ងៃអង្គារម្សិលមិញថា ប្រទេសចិនស្វាគមន៍ចំពោះដំណើរទស្សនកិច្ចរបស់រដ្ឋមន្ត្រីការបរទេសសហរដ្ឋអាមេរិក លោក អេនតូនី ប្លីនខេន (Antony Blinken) មកកាន់ប្រទេសនេះ ដែលគ្រោងនឹងធ្វើឡើងនៅក្នុងខែកុម្ភៈខាងមុខ។
រដ្ឋាភិបាលវៀតណាម បានឱ្យដឹងនៅថ្ងៃអង្គារម្សិលមិញថា លោកប្រធានាធិបតី ង្វៀន សួនហ៊្វុក (Nguyen Xuan Phuc) បានលាលែងចេញពីតំណែង បន្ទាប់ពីគណបក្សកុម្មុយនីស្តវៀតណាម (Communist Party) ដែលកំពុងកាន់អំណាច បានស្តីបន្ទោសរូបលោកទាក់ទងនឹងការបំពាន និងការប្រព្រឹត្តខុសដោយមន្ត្រីនៅក្រោមការគ្រប់គ្រងរបស់លោក។
កូនស្រីរបស់អតីតនាយករដ្ឋមន្ត្រីថៃដែលកំពុងនិរទេសខ្លួននៅក្រៅប្រទេស លោក ថាក់ស៊ីន ស៊ីណាវ៉ាត្រា (Thaksin Shinawatra) បានប្រកាសត្រៀមខ្លួនរួចជាស្រេច ដើម្បីឈរឈ្មោះជានាយករដ្ឋមន្ត្រីក្នុងការបោះឆ្នោតនៅឆ្នាំនេះ ខណៈបក្សប្រឆាំងដ៏សំខាន់មួយនេះព្យាយាមឡើងមកកាន់កាប់អំណាចឡើងវិញ បន្ទាប់ពីត្រូវបានទម្លាក់ដោយរដ្ឋប្រហារកាលពី៨ឆ្នាំមុន។
វិមានក្រឹមឡាំង (Kremlin) បានឱ្យដឹងនៅថ្ងៃចន្ទម្សិលមិញថា រថក្រោះដែលអង់គ្លេសគ្រោងនឹងបញ្ជូនទៅកាន់អ៊ុយក្រែន នឹងត្រូវបានកម្ទេចដោយកងទ័ពរុស្ស៊ី ដោយខ្លួនក៏បានព្រមានលោកខាងលិចថា ការផ្គត់ផ្គង់អាវុធទំនើបបន្ថែមទៀតដល់អ៊ុយក្រែននឹងមិនអាចផ្លាស់ប្តូរលទ្ធផលនៃសង្គ្រាមនោះទេ។
សមត្ថកិច្ចបានរាយការណ៍ឱ្យដឹងថា អតីតសមាជិកសភាអាហ្វហ្កានីស្ថានជាស្ត្រីមួយរូប ត្រូវបានខ្មាន់កាំភ្លើងមិនស្គាល់អត្តសញ្ញាណបាញ់សម្លាប់នៅក្នុងផ្ទះរបស់ខ្លួន ក្នុងរដ្ឋធានីកាប៊ុល (Kabul)។
រដ្ឋមន្ត្រីក្រសួងការពារជាតិអាល្លឺម៉ង់ លោកស្រី Christine Lambrecht បានលាលែងចេញពីរដ្ឋាភិបាលរបស់អធិការបតីអាល្លឺម៉ង់ លោក Olaf Scholz នៅថ្ងៃចន្ទម្សិលមិញនេះ ដែលកើតឡើងស្របពេលដែលមានការរិះគន់អំពីសមត្ថភាពរបស់លោកស្រី ក្នុងការឆ្លើយតបទៅនឹងសង្គ្រាមឈ្លានពានក្នុងប្រទេសអ៊ុយក្រែន។
ប្រធានាធិបតីរុស្ស៊ី លោក វ្លាឌីមៀរ ពូទីន បានឱ្យដឹងថា ប្រតិបត្តិការយោធារបស់ខ្លួននៅអ៊ុយក្រែន បានវិវត្តទៅមុខប្រកបដោយភាពវិជ្ជមាន ខណៈលោកសង្ឃឹមថា ទាហានរបស់ខ្លួននឹងទទួលបានជ័យជម្នះបន្ថែមទៀត។
យ៉ាងហោចណាស់ មានមនុស្សចំនួន ៦៨នាក់ បានស្លាប់បន្ទាប់ពីករណីជើងហោះហើរក្នុងស្រុកមួយរបស់ក្រុមហ៊ុនអាកាសចរណ៍ Yeti Airlines បានធ្លាក់នៅទីក្រុង Pokhara ក្នុងប្រទេសនេប៉ាល់ កាលពីថ្ងៃអាទិត្យម្សិលមិញ ដែលនេះគឺជាហេតុការណ៍ធ្លាក់យន្តហោះដ៏អាក្រក់បំផុតមួយក្នុងរយៈពេល៣ទសវត្សរ៍ចុងក្រោយក្នុងប្រទេសមួយនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
