អតីតអ្នកសារព័ត៌មានឯករាជ្យសញ្ជាតិអាមេរិកាំងមួយរូប លោក ណេត ថៃយើ (Nate Thayer) ដែលធ្លាប់បានប្រឡូកក្នុងវិស័យព័ត៌មានជាច្រើន ក្នុងនោះរួមមានទាំងការធ្វើបទសម្ភាសក្នុងឆ្នាំ១៩៩៧ ជាមួយមេដឹកនាំរបបប្រល័យពូជសាសន៍នៃខ្មែរក្រហម ប៉ុល ពត បានទទួលមរណភាពក្នុងអាយុ៦២ឆ្នាំ នៅសហរដ្ឋអាមេរិក។
មន្ត្រីបារាំង បានឱ្យដឹងនៅថ្ងៃពុធម្សិលមិញថា លោកប្រធានាធិបតី អេម៉ានុយអែល ម៉ាក្រុង (Emmanuel Macron) បានថ្លែងប្រាប់ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី តាមរយៈទូរសព្ទថា រដ្ឋាភិបាលរបស់លោកនឹងបញ្ជូនរថក្រោះប្រយុទ្ធធុនស្រាល AMX-10 RC ដើម្បីជួយឱ្យប្រទេសនេះអាចតទល់នឹងសង្គ្រាមប្រឆាំងនឹងការឈ្លានពានដោយរុស្ស៊ី។
ប្រធានាធិបតីចិន លោក ស៊ី ជីនពីង បានឱ្យដឹងនៅថ្ងៃពុធម្សិលមិញថា ប្រទេសចិនបានត្រៀមខ្លួនរួចជាស្រេចក្នុងការបន្តកិច្ចចរចាលើប្រេង ឧស្ម័ន និងការគ្រប់គ្រងបញ្ហាដែនសមុទ្រឡើងវិញ ជាមួយប្រទេសហ្វីលីពីន។
រដ្ឋាភិបាលរបស់របបយោធាមីយ៉ាន់ម៉ា នឹងដោះលែងអ្នកទោសចំនួន៧ ០១២នាក់ ក្រោមការលើកលែងទោស ដើម្បីប្រារព្ធទិវាឯករាជ្យជាតិរបស់ខ្លួន ខណៈប្រមុខរបបយោធាក៏បានថ្លែងកោតសរសើរប្រទេសមួយចំនួនសម្រាប់ការរក្សាការគាំទ្រសម្រាប់ប្រទេសរបស់លោកផងដែរ។
ក្រសួងការពារជាតិរុស្ស៊ី បានឱ្យដឹងនៅថ្ងៃពុធនេះថា ទាហានចំនួន៨៩នាក់របស់ខ្លួនបានស្លាប់នៅក្នុងការវាយប្រហាររបស់អ៊ុយក្រែន នៅទីក្រុង Makiivka ក្នុងទីតាំងដែលគ្រប់គ្រងដោយទ័ពរុស្ស៊ី នៃតំបន់ Donetsk ដោយបន្ថែមថា ហេតុផលចម្បងនៃការវាយប្រហារដោយអ៊ុយក្រែននេះ គឺកើតឡើងដោយសារតែកងទ័ពរបស់ខ្លួនបានប្រើទូរសព្ទដៃដោយគ្មានការអនុញ្ញាត។
ប្រព័ន្ធផ្សព្វផ្សាយរដ្ឋរបស់ប្រទេសចិន ហាក់មិនសូវមានការយកចិត្តទុកដាក់ពីភាពធ្ងន់ធ្ងរនៃការកើនឡើងនៃការឆ្លងមេរោគកូវីដ-១៩ នៅក្នុងប្រទេស ខណៈអង្គការសុខភាពពិភពលោក (WHO) បាននិងកំពុងស្វែងរកព័ត៌មានលម្អិតអំពីការវិវត្តនៃមេរោគនេះ។
សេតវិមាន បានឱ្យដឹងនៅថ្ងៃអង្គារម្សិលមិញថា ប្រធានាធិបតីអាមេរិក លោក ចូ បៃដិន នឹងជួបជាមួយនាយករដ្ឋមន្ត្រីជប៉ុនលោក ហ្វូមីអូ គីស៊ីដា (Fumio Kishida) នៅឯសេតវិមាន នៅថ្ងៃទី១៣ ខែមករា សប្ដាហ៍ក្រោយនេះ ដើម្បីពិភាក្សាលើប្រធានបទមួយចំនួនដែលទាក់ទងនឹងប្រទេសកូរ៉េខាងជើង អ៊ុយក្រែន ភាពតានតឹងរវាងចិនជាមួយតៃវ៉ាន់ និងឥណ្ឌូ-ប៉ាស៊ីហ្វិក ប្រកបដោយសេរីនិងបើកចំហ។
ប្រធានាធិបតីហ្វីលីពីន លោក ហ្វឺឌីណាន់ ម៉ាកូស ជេអ (Ferdinand Marcos Jr) នឹងធ្វើដំណើរទៅកាន់ទីក្រុងប៉េកាំង សម្រាប់ដំណើរទស្សនកិច្ចរយៈពេល៣ថ្ងៃ ចាប់ពីថ្ងៃទី៣ ដល់ថ្ងៃទី៥ ខែមករា ឆ្នាំ២០២៣ ដោយក្នុងនោះ លោកក៏ត្រូវបានរំពឹងថានឹងជួបពិភាក្សាអំពីសកម្មភាពរបស់ទីក្រុងប៉េកាំងនៅក្នុងជម្លោះសមុទ្រចិនខាងត្បូង ក្នុងចំណោមប្រធានបទផ្សេងៗទៀតផងដែរ។
អង់គ្លេស នៅពេលខាងមុខនេះ នឹងប្រកាសជាផ្លូវការដោយចាត់ទុកឆ្មាំបដិវត្តន៍អ៊ីរ៉ង់ដែលបានចាប់ខ្លួនមនុស្ស៧នាក់ ជុំវិញការតវ៉ាប្រឆាំងនឹងរដ្ឋាភិបាលកាលពីសប្ដាហ៍មុន ថាជាក្រុមភេរវករមួយ។
ប្រធានាធិបតីអាមេរិក លោក ចូ បៃដិន បានឱ្យដឹងនៅថ្ងៃចន្ទម្សិលមិញថា អាមេរិកមិនបានពិភាក្សាអំពីសមយុទ្ធនុយក្លេអ៊ែររួមគ្នាជាមួយកូរ៉េខាងត្បូងនោះទេ ខណៈករណីនេះហាក់ផ្ទុយពីការលើកឡើងដោយសមភាគីកូរ៉េខាងត្បូង។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
