រដ្ឋមន្ត្រីការពារជាតិសហរដ្ឋអាមេរិក លោក Lloyd Austin បានលើកឡើងនៅថ្ងៃពុធម្សិលមិញ ដោយហាក់សម្ដែងជាការសង្ស័យថា ការបង្កើនសកម្មភាពយោធារបស់ចិន នៅជិតច្រកសមុទ្រតៃវ៉ាន់ គឺជាសញ្ញានៃការឈ្លានពានដោយទីក្រុងប៉េកាំងនៅលើដែនកោះមួយនេះ ដែលអាចនឹងកើតមានឡើងនៅពេលខាងមុខនេះ។
អ្នកគ្រប់គ្រងក្រុមហ៊ុនយោធាឯកជនមួយរបស់រុស្ស៊ី Wagner Group បានឱ្យដឹងនៅថ្ងៃពុធម្សិលមិញថា កងកម្លាំងរបស់ខ្លួន បានសម្រេចបាននូវការរំដោះទាំងស្រុងនៃទីក្រុងរ៉ែ Soledar ភាគខាងកើតអ៊ុយក្រែន ដោយក្នុងនោះ ពួកគេក៏បានសម្លាប់ទាហានអ៊ុយក្រែនប្រមាណជា៥០០នាក់ផងដែរ។
ឯកអគ្គរដ្ឋទូតរុស្ស៊ីប្រចាំនៅសហរដ្ឋអាមេរិក លោក Anatoly Antonov បានឱ្យដឹងនៅថ្ងៃអង្គារម្សិលមិញថា ការដែលអាមេរិកគ្រោងនឹងបណ្តុះបណ្តាលដល់ទាហានអ៊ុយក្រែន ក្នុងការប្រើប្រាស់ប្រព័ន្ធមីស៊ីល Patriot គឺបង្ហាញឱ្យឃើញកាន់តែច្បាស់បន្ថែមទៀតនៃការចូលរួមរបស់ប្រទេសនេះនៅក្នុងជម្លោះក្នុងប្រទេសអ៊ុយក្រែន។
ប្រធានគណៈកម្មការអឺរ៉ុប លោកស្រី Ursula Von der Leyen បានឱ្យដឹងនៅថ្ងៃអង្គារម្សិលមិញថា សហភាពអឺរ៉ុបនឹងដាក់ទណ្ឌកម្មថ្មីទាំងឡាយលើប្រទេសបេឡារុស ស្របពេលដែលខ្លួនបន្តដាក់សម្ពាធលើប្រទេសរុស្ស៊ី ឱ្យបញ្ចប់សង្គ្រាមរបស់ខ្លួននៅអ៊ុយក្រែន និងពង្រីកការចាត់វិធានការលើប្រទេសទាំងឡាយណាដែលផ្ដល់ការគាំទ្រដល់រុស្ស៊ី។
មន្ត្រីអង្គការសុខភាពពិភពលោក (WHO) បានឱ្យដឹងនៅថ្ងៃអង្គារម្សិលមិញថា ប្រទេសនានាគួរតែពិចារណាក្នុងការណែនាំឱ្យអ្នកដំណើរទាំងឡាយពាក់ម៉ាស់ សម្រាប់ជើងហោះហើររយៈចម្ងាយឆ្ងាយ ខណៈវីរុសកូវីដ-១៩ បំប្លែងខ្លួនថ្មីចុងក្រោយ មានការរីករាលដាលយ៉ាងឆាប់រហ័សនៅសហរដ្ឋអាមេរិក។
អ្នកគាំទ្រអតីតប្រធានាធិបតីប្រេស៊ីលស្ដាំនិយម លោក Jair Bolsonaro ដែលទើបតែផុតអាណត្តិ បាននាំគ្នាសម្រុកចូលលុកលុយ និងបង្កភាពចលាចលក្នុងទីតាំងអគាររដ្ឋាភិបាលសំខាន់ៗមួយចំនួនដែលមានដូចជា សភា វិមានប្រធានាធិបតី និងតុលាការកំពូល កាលពីថ្ងៃអាទិត្យម្សិលមិញ ដើម្បីប្រឆាំងនឹងការចូលកាន់កាប់តំណែងរបស់លោកប្រធានាធិបតី Luiz Inacio Lula da Silva។
សេចក្ដីថ្លែងការណ៍មួយរបស់រដ្ឋាភិបាលវៀតណាម បានឱ្យដឹងថា រដ្ឋសភា ដែលជាស្ថាប័នបង្កើតច្បាប់របស់ប្រទេសនេះ នៅថ្ងៃព្រហស្បតិ៍ម្សិលមិញ បានបោះឆ្នោតដកឧបនាយករដ្ឋមន្ត្រី ២រូប ចេញពីមុខតំណែងរបស់ពួកគេ ខណៈមានការលើកឡើងថា សកម្មភាពនេះកើតឡើងស្របពេលដែលវៀតណាមកំពុងតែបង្កើនការបង្ក្រាបអំពើពុករលួយនៅក្នុងប្រទេស។
ប្រទេសចិន នៅថ្ងៃព្រហស្បតិ៍ម្សិលមិញនេះ បានថ្លែងការពារវិធានការដោះស្រាយការផ្ទុះឡើងនៃជំងឺកូវីដ-១៩ ដ៏ខ្លាំងក្លារបស់ខ្លួន បន្ទាប់ពីប្រធានាធិបតីអាមេរិក លោក ចូ បៃដិន បានសម្តែងការព្រួយបារម្ភ ខណៈអង្គការសុខភាពពិភពលោក (WHO) លើកឡើងថា ទីក្រុងប៉េកាំង ហាក់លាក់បាំងពីចំនួនជាក់លាក់នៃអ្នកស្លាប់ដោយសារជំងឺនេះ។
ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី នៅថ្ងៃព្រហស្បតិ៍ម្សិលមិញនេះ បានច្រានចោលភ្លាមៗនូវសំណើបទឈប់បាញ់របស់រុស្ស៊ី ដោយលោកចាត់ទុកថា វាគឺជាល្បិចកលមួយរបស់លោកប្រធានាធិបតី វ្លាឌីមៀរ ពូទីន ក្នុងការបង្អាក់ដល់ការរីកចម្រើនរបស់កងកម្លាំងអ៊ុយក្រែន ដើម្បីឆ្លៀតឱកាសពង្រឹងទ័ពរបស់រុស្ស៊ីវិញ។
អ្នកនាំពាក្យរដ្ឋាភិបាលជប៉ុន បានឱ្យដឹងនៅថ្ងៃសុក្រនេះថា លោកនាយករដ្ឋមន្ត្រី ហ្វូមីអូ គីស៊ីដា (Fumio Kishida) បានទទួលការអញ្ជើញឱ្យទៅបំពេញទស្សនកិច្ចនៅប្រទេសអ៊ុយក្រែន ក្នុងពេលឆាប់ៗខាងមុខនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
