លោក សេង ហួរ ជាពលករខ្មែរម្នាក់នៅប្រទេសកូរ៉េខាងត្បូង បានស្ដាប់ធម្មទេសនារបស់លោក ខឹម វាសនា អស់រយៈពេល៣ឆ្នាំមកហើយ ដូច្នេះ កាលពីខែមុន នៅពេលដែលលោក ខឹម វាសនា ទស្សន៍ទាយថានឹងមានទឹកជំនន់ជន់លិចពិភពលោក លោកបានត្រលប់មកប្រទេសកម្ពុជាវិញ ដើម្បីគេចពីគ្រោះមហន្តរាយ និងទៅចម្ការម្រេចរបស់លោក ខឹម វាសនា នៅខេត្តសៀមរាប។
សមាគមខ្មែរមួយនៅប្រទេសកូរ៉េខាងត្បូងបានឱ្យដឹងថា ពលករខ្មែរដែលចាកចេញពីការងារនៅក្នុងប្រទេសនេះមកកម្ពុជា ដោយសារតែជឿលើការឃោសនារបស់លោក ខឹម វាសនា បានចាប់ផ្តើមវិលត្រលប់មកធ្វើការងារវិញហើយ ដោយសង្ឃឹមថានឹងអាចទទួលបានការងារចាស់របស់ពួកគេឡើងវិញ។
នគរបាលបាននិយាយថា ពលរដ្ឋហ្វីលីពីនចំនួន៤នាក់ដែលត្រូវបានស្ថានទូតហ្វីលីពីនស្នើសុំឱ្យជួយសង្រ្គោះកាលពីដើមខែនេះ លែងនៅទីតាំងក្រុមហ៊ុន «យូញៀន ឌីវីឡុបមិន គ្រុប – Union Development Group (UDG)» ខេត្តកោះកុងទៀតហើយ នៅពេលមន្រ្តីនគរបាលទៅដល់។
អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក អះអាងថា រដ្ឋាភិបាលមិនបានច្រានចោលនូវរាល់របាយការណ៍ដែលរកឃើញពីការធ្លាក់ចុះនូវសេរីភាពសារព័ត៌មាន ឬសេរីភាពបញ្ចេញមតិនៅកម្ពុជាឡើយ ប៉ុន្តែរដ្ឋាភិបាលនឹងពិនិត្យមើលរបាយការណ៍ទាំងនោះ ដើម្បីកែលម្អឱ្យកាន់តែប្រសើរថែមទៀត។
សហជីពក្នុងក្រុមហ៊ុនល្បែងនាកណ្តាលក្រុងភ្នំពេញបានលើកឡើងថា បុគ្គលិកណាហ្គាវើលដ៍នៅតែរងអំពើហិង្សា និងការគំរាមកំហែងពីសំណាក់កងកម្លាំងអាជ្ញាធរក្រុង ក្នុងពេលពួកគេព្យាយាមតវ៉ាក្បែរក្រុមហ៊ុនដើម្បីស្វែងរកដំណោះស្រាយការងារ។
រដ្ឋមន្ត្រីក្រសួងសាធារណការ និងដឹកជញ្ជូន បានអះអាងថា ផ្លូវល្បឿនលឿនភ្នំពេញ-ព្រះសីហនុ ត្រៀមដាក់ឱ្យប្រើប្រាស់សាកល្បងនៅខែកក្កដា ឆ្នាំ២០២២ និងសម្ពោធដាក់ឱ្យប្រើប្រាស់ជាផ្លូវការក្នុងពេលវេលាសមស្របណាមួយនៅពេលបន្ទាប់។
សង្គមស៊ីវិលជំរុញទៅរដ្ឋាភិបាលគួរពិនិត្យមើលអំពីបញ្ហាតម្លាភាព និងអំពើពុករលួយ ជុំវិញករណីសាងសង់ផ្លូវជាតិលេខ២ និង២២ ដែលក្រសួងសាធារណការបានរកឃើញថា ផ្នែកខ្លះមិនមានបច្ចេកទេស ឬគុណភាពត្រឹមត្រូវស្របតាមអ្វីដែលក្រសួងចង់បាន។
មន្ទីរបរិស្ថានខេត្តកំពង់ឆ្នាំង បានចេញមុខអះអាងថា ការឈូសឆាយដីព្រៃដែនជម្រកសត្វភ្នំឱរ៉ាល់ពីសំណាក់បុគ្គលម្នាក់ ជាការឈូសឆាយច្រឡំ ដោយសាររូបគេមិនបានដឹងថាជាដីដែនជម្រកសត្វ ហើយក៏បានប្រគល់ដីនោះជូនរដ្ឋវិញហើយដែរ។
មេដឹកនាំគណបក្សនយោបាយម៉ាឡេស៊ីមួយរូបបានប៉ាន់ប្រមាណថា មានពលរដ្ឋម៉ាឡេស៊ីជាង៣០០នាក់នៅតែបន្តជាប់ក្នុងទីតាំងប្រតិបត្តិការឆបោកតាមប្រព័ន្ធអនឡាញក្នុងប្រទេសកម្ពុជា បើទោះបីជាមានពលរដ្ឋរបស់ខ្លួនមួយចំនួនត្រូវបានជួយសង្រ្គោះឱ្យត្រលប់ទៅកាន់ប្រទេសរបស់ពួកគេវិញកាលពីពេលថ្មីៗនេះក៏ដោយ។
កម្ពុជារកចំណូលពីការនាំចេញជ័រកៅស៊ូ និងឈើកៅស៊ូ ក្នុងត្រីមាសទី១ ឬរយៈពេល៣ខែ ដើមឆ្នាំ២០២២នេះ មានចំនួន១០០លានដុល្លារអាមេរិក។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
