នៅសល់ពេល២ថ្ងៃទៀត ដោយគិតចាប់ពីថ្ងៃទី១៧ ខែវិច្ឆិកានេះ គណៈកម្មាធិការជាតិរៀបចំការបោះឆ្នោត (គ.ជ.ប) នឹងប្រមូលយកអនុសាសន៍ពីភាគីពាក់ព័ន្ធ អំពីបទបញ្ជា និងនីតិវិធីសម្រាប់ការបោះឆ្នោតជ្រើសតាំងតំណាងរាស្រ្ត ដែល គ.ជ.ប យល់ឃើញថា ប្រសិនបើតួអង្គក្នុងដំណើរការនៃការបោះឆ្នោតមានចំណុចដែលត្រូវកែលម្អលើខ្លឹមសារនៃសេចក្ដីព្រាងនេះ។
ក្រុមអតីតអ្នកនយោបាយនៃគណបក្សសង្រ្គោះជាតិមួយចំនួន ដែលត្រូវតុលាការកំពូលរំលាយ នៅតែមានភាពស្ទាក់ស្ទើរអំពីជំហរវិលចូលឆាកនយោបាយឡើងវិញ នៅបន្ទាប់ពីបម្រាមតុលាការនឹងត្រូវផុតកំណត់នៅថ្ងៃទី១៦ ខែវិច្ឆិកា ស្អែកនេះ ដែលបើកផ្លូវឱ្យពួកគេអាចធ្វើសកម្មភាពនយោបាយបានឡើងវិញ ប្រសិនបើពួកគេគ្មានទោសព្រហ្មទណ្ឌផ្សេងទៀតនោះទេ។
គណបក្សកែទម្រង់កម្ពុជា អំពាវនាវទៅមេដឹកនាំអាស៊ានធ្វើយ៉ាងណាជំរុញឱ្យរដ្ឋាភិបាលកម្ពុជាត្រូវគោរពសិទ្ធិមនុស្ស និងបើកលំហសិទ្ធិនយោបាយឱ្យបានពេញលេញ ដើម្បីធានាថាការបោះឆ្នោតជ្រើសតាំងតំណាងរាស្រ្តក្នុងខែកក្កដា ឆ្នាំ២០២៣ ខាងមុខនេះ ប្រព្រឹត្តទៅដោយសេរី ត្រឹមត្រូវ និងយុត្តិធម៌។
នៅអំឡុងពេលដែលមេដឹកនាំនៃប្រទេសមហាអំណាចកំពុងចូលរួមក្នុងកិច្ចប្រជុំកំពូលអាស៊ាន ដែលកម្ពុជាធ្វើជាម្ចាស់ផ្ទះនេះ គណបក្សភ្លើងទៀន ដែលជាបក្សនៅក្រៅរដ្ឋាភិបាល ស្នើឱ្យបណ្ដាមេដឹកនាំទាំងនោះ ជាពិសេសសហរដ្ឋអាមេរិក ធ្វើកិច្ចអន្តរាគមន៍ដោយជំរុញរដ្ឋាភិបាលកម្ពុជាឱ្យគោរពសិទ្ធិមនុស្ស និងសិទ្ធិនយោបាយរបស់បក្សប្រឆាំង។
ប្រធានអង្គភាពអ្នកនាំពាក្យរដ្ឋាភិបាល ចាត់ទុកការអំពាវនាវរបស់វេទិកាពលរដ្ឋ ដែលឱ្យពលរដ្ឋងើបឡើងធ្វើបាតុកម្មនៅអំឡុងពេលកិច្ចប្រជុំអាស៊ាននោះថា ជាផ្នែកមួយដែលគ្មានតម្លៃអ្វីសម្រាប់ឱ្យថ្នាក់ដឹកនាំ និងប្រមុខកាទូតអាស៊ាន ត្រូវចាប់បង្ខំឱ្យរដ្ឋាភិបាលកម្ពុជាដែលជាប្រធានប្តូរវេនអាស៊ាន ត្រូវតែអនុវត្តស្មារតីនៃកិច្ចព្រមព្រៀងសន្តិភាពទីក្រុងប៉ារីសឡើយ។
មន្រ្តីជាន់ខ្ពស់នៃស្ថាប័នជាតិរៀបចំការបោះឆ្នោត(គ.ជ.ប) លើកឡើងថា ដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០២២ ដែលទើបប្រើពេលបានជាង២សប្តាហ៍មកនេះ ចំនួនអ្នកចុះឈ្មោះបោះឆ្នោតបានកើនឡើងប្រមាណ ៥០ភាគរយ ហើយតួលេខនេះ បើគិតក្នុងរយៈពេលដូចគ្នា កាលពី៥ឆ្នាំមុន គឺមានសន្ទុះលឿនជាង។
អគ្គព្រះរាជអាជ្ញារងនៃមហាអយ្យការអមតុលាការកំពូល ឱ្យដឹងថា អ្នកទោសនយោបាយនៃគណបក្សសង្រ្គោះជាតិដែលត្រូវបានតុលាការរំលាយ អាចនឹងប្រកបវិជ្ជាជីវៈជាអ្នកនយោបាយឡើងវិញបានជាធម្មតា ក្រោយបម្រាមនេះត្រូវផុតកំណត់ ប្រសិនបើអ្នកទាំងនោះគ្មានទោសព្រហ្មទណ្ឌផ្សេងទៀតទេ។
ប្រធានក្រុមប្រឹក្សាជំនុំជម្រះ នៃតុលាការកំពូល គ្រោងនឹងប្រកាសសេចក្ដីសម្រេចចិត្តរបស់ខ្លួនលើបណ្ដឹងសាទុក្ខសុំលិខិតឆ្លងដែននេះ នៅដើមខែវិច្ឆិកា ខាងមុខ ខណៈសំណុំរឿងព្រហ្មទណ្ឌមួយនេះ តុលាការជាន់ទាបនៅបន្តបើកការស៊ើបអង្កេតទៀត ដែលធ្វើឱ្យសំណុំរឿងមួយនេះត្រូវអូសបន្លាយជិត៥ឆ្នាំទៅហើយ។
អ្នកនយោបាយជាន់ខ្ពស់នៃគណបក្សជំទាស់ បានលើកឡើងដោយផ្ទាល់ជាមួយមន្រ្តីអគ្គរដ្ឋទូតប្រទេសមហាអំណាចផ្នែកប្រជាធិបតេយ្យ អំពីលំហប្រជាធិបតេយ្យ និងនីតិវិធីនៃសវនាការរបស់ខ្លួន ដែលរឿងក្ដីនេះកំពុងស្ថិតនៅក្នុងដៃតុលាការនៅឡើយ ខណៈសហរដ្ឋអាមេរិកក៏ចង់ឃើញភាពជឿនលឿននៃដំណើរការនីតិវិធីនេះដោះស្រាយឱ្យបានឆាប់ និងជំរុញឱ្យស្ដារឡើងវិញនូវសិទ្ធិធ្វើនយោបាយ ដើម្បីជាប្រយោជន៍សម្រាប់កម្ពុជា។
នៅចំថ្ងៃនៃការប្រារព្វខួបលើកទី៣១ នៃកិច្ចព្រមព្រៀងនយោបាយ សម្រាប់ឆ្នាំនេះ អង្គការសង្គមស៊ីវិល និងគណបក្សនៅក្រៅរដ្ឋាភិបាល រួមទាំងភាគីពាក់ព័ន្ធដទៃទៀត បានលើកយកវេទិកាបោះឆ្នោត ជាប្រធានបទសំខាន់ ដើម្បីជាសារបង្ហាញថា ប្រមាណ៣០ឆ្នាំនេះ ក្រោយពីមានការជ្រោមជ្រែងពីសហគមន៍អន្តរជាតិ ការបោះឆ្នោតមួយនៅកម្ពុជា ដូចមានបញត្តិនៅក្នុងខ្លឹមសារ នៃកិច្ចព្រមព្រៀងទីក្រុងប៉ារីស ស្តីពីកម្ពុជា នៅតែមិនទាន់អាចធានាបានពីសេរី ត្រឹមត្រូវ និងយុត្តិធម៌នៅឡើយទេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
