និស្សិតមួយក្រុមរៀនជំនាញផ្នែកបរិស្ថាន អំពាវនាវដល់អាជ្ញាធរពាក់ព័ន្ធបើកទូលាយសម្រាប់ការចុះកម្មសិក្សានៅតាមព្រៃសហគមន៍នានា បន្ទាប់ពីអាជ្ញាធរខេត្តកំពង់ធំរារាំងមិនឱ្យពួកគេចុះកម្មសិក្សា ក្រោមហេតុផលបង្ការការឆ្លងរាលដាលមេរោគកូវីដ-១៩ និងទាមទារលក្ខខណ្ឌផ្សេងៗទៀត។
មន្ត្រីជាន់ខ្ពស់ក្រសួងមហាផ្ទៃ និងក្រសួងវប្បធម៌និងវិចិត្រសិល្បៈ អះអាងថា ផលិតកម្មមួយដែលថតវីដេអូចម្រៀងបង្ហាញរូបភាពកាំភ្លើងជាក្រុម មិនមានផលប៉ះពាល់អ្វីដល់សន្តិសុខសង្គមឬវប្បធម៌ជាតិនោះទេ។
អ្នកស្រី ចាប យ៉ែម វ័យ៧៤ឆ្នាំ បច្ចុប្បន្នរស់នៅភូមិសំរោង ឃុំសំរោង ស្រុកសូត្រនិគម ខេត្តសៀមរាប បានរៀបរាប់ទាំងទឹកមុខក្រៀមក្រំមកកាន់អ្នកសារព័ត៌មានវីអូឌីថា ចាប់តាំងពីសមត្ថកិច្ចចាប់ផ្សឹក និងយកកូនគាត់ ទៅឃុំក្នុងពន្ធនាគារ នៅរាជធានីភ្នំពេញមក អ្នកស្រីមិនដែលបានមកជួបមុខកូនឡើយ ដោយសារបច្ចុប្បន្នគាត់មានជំងឺដើរមិនរួច ហើយវ័យកាន់តែចាស់។
អ្នកសារព័ត៌មានវ័យក្មេងមួយចំនួនដែលធ្លាប់រងការគំរាមកំហែងពីអាជ្ញាធរ បានប្រកាសជំហរប្រកាន់យកអាជីពជាអ្នកសារព័ត៌មានបន្តទៅមុខទៀត បើទោះបីជាធ្លាប់ទទួលរងការគំរាមកំហែងក្នុងអំឡុងពេលចុះទៅយកព័ត៌មានក្តី។
បឹងធម្មជាតិធំៗមួយចំនួននៅរាជធានីភ្នំពេញ ក្នុងនោះរួមមានបឹងកក់ បឹងជើងឯក បឹងទំពុន និងបឹងតាមោក ជាដើម ត្រូវបានគេមើលឃើញថា ជាកន្លែងស្តុកទឹកស្អុយ និងរំដោះទឹកដែលហូរចេញពីទីក្រុងអំឡុងពេលភ្លៀងធ្លាក់នារដូវវស្សា។ ប៉ុន្តែប៉ុន្មានឆ្នាំចុងក្រោយនេះ បឹងទាំងនោះត្រូវបានរដ្ឋាភិបាលកាត់ប្រគល់ឱ្យក្រុមហ៊ុន បុគ្គលមានអំណាច និងស្ថាប័នរដ្ឋ ដើម្បីសាងសង់អគារនិងហេដ្ឋារចនាសម្ព័ន្ធផ្សេងៗ។
«អាណិតកូន មិនដឹងធ្វើយ៉ាងម៉េចជួយកូនបាន!» នេះគឺជាសម្ដីរបស់ស្ដ្រីវ័យចំណាស់ម្នាក់ដែលបានបង្ហើរពាក្យពេចន៍តាមខ្សែទូរសព្ទមកកាន់សារព័ត៌មាន វីអូឌី នោះគឺអ្នកស្រី ថាច់ ធីតា។ អ្នកស្រីគឺជាម្ដាយបង្កើតរបស់កញ្ញា ឈឿន ដារ៉ាវី សកម្មជនការពារសិទ្ធិមនុស្សដែលកំពុងជាប់ពន្ធនាគារអស់រយៈពេលមួយឆ្នាំមកហើយ គិតត្រឹមថ្ងៃទី១៣ ខែសីហា ឆ្នាំ២០២១ ទាំងដែលសំណុំរឿងរបស់កញ្ញា តុលាការនៅមិនទាន់បានកាត់សេចក្ដីយ៉ាងណានៅឡើយនោះ។
សមត្ថកិច្ចនៅខេត្តកំពង់ចាម បានកោះហៅយុវជនម្នាក់ទៅសួរនាំ ក្រោយពីយុវជនរូបនេះបានរាយការណ៍ពីបញ្ហាគ្រឿងញៀននៅក្នុងសហគមន៍របស់ខ្លួនប្រាប់ទៅរដ្ឋមន្ត្រីក្រសួងមហាផ្ទៃ លោក ស ខេង។
ក្រសួងកសិកម្ម រុក្ខាប្រមាញ់ និងនេសាទ បញ្ជាក់ថា ក្នុងរយៈពេល៧ខែដើមឆ្នាំ២០២១នេះ កម្ពុជានាំចេញអង្ករទៅក្រៅប្រទេសមានការថយចុះខ្លាំង ស្របពេលប្រជាកសិករមួយចំនួនត្អូញត្អែរពីតម្លៃស្រូវចុះថោកនិងពិបាករកទីផ្សារលក់ស្រូវរបស់ខ្លួននៅរដូវប្រមូលផលខាងមុខ។
សមត្ថកិច្ចរាជធានីភ្នំពេញ អះអាងថា ចាប់ពីយប់ថ្ងៃទី០៣ ខែសីហានេះទៅ អាជ្ញាធរនឹងអនុវត្តវិធានការក្តៅចំពោះអ្នកល្មើសបម្រាមគោចររបស់រដ្ឋបាលរាជធានីភ្នំពេញ ចាប់ពីម៉ោង៩យប់ ដល់ម៉ោង៣ទៀបភ្លឺ។
ពលករខ្មែរមួយចំនួនបន្តទ្រាំរស់នៅក្នុងប្រទេសថៃ បន្ទាប់ពីពួកគេបាត់បង់ការងារ ហើយមិនអាចវិលត្រឡប់មកស្រុកកំណើតវិញ ដោយសារវិធានការបិទខ្ទប់ការធ្វើដំណើរឆ្លងកាត់ព្រំដែនរបស់រដ្ឋាភិបាល និងការបារម្ភខ្លាចនាំយកមេរោគកូវីដ-១៩ទៅចម្លងក្នុងសហគមន៍។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
